SAMUEL 1 2:11 - Alkitab Singog In Mongondow Masa In Tanaa

¹¹ Bo nobuidon in ki Elkana bo motoḷuadínea kon Rama, táe ki Samuel, adí tatua, in nogutundon kon Silo bo nogundoi kon i Tuhan kon bonu in totundú i Imang Eli.

SAMUEL 1 2:11 Referans Kwoze

SAMUEL 1 3:1

Kon dodai intua, ki Samuel inta mongoadípa tua nogundoi kon i Tuhan kon bonu in totundú i Eli. Kon tungkuḷ intua moḷawádon totok in oyúon in koyow bo oontongon nongkon i Tuhan.

SAMUEL 1 2:18

Kon dodai intua, ki Samuel inta mongoadípa tantú mogundoi kon i Tuhan. Nomaké in sia in ḷambung inta ain sinantú nongkon kaeng linen, ná ḷambung inta pakéonmai in imang mita kon ibada.

SAMUEL 1 1:28

tuamai in adí tanaa in posarakankudon mobaḻí kapunyaan i Tuhan kon bonu in kobiagannea.” Nopaḷut mako kon tua mosia noibada kon i Tuhan.

SAMUEL 1 3:15

Nopaḷut mako kon tua ki Samuel nosiugdon bui, bo naonda in doḷo-doḷom nobangon in sia bo nomukat kon ḷoḻingkop mita in Baḷoi i Tuhan. Moondok in sia in mopotaau kon i Eli kon onu inta inontongnea tatua,

SAMUEL 1 1:19

Nopoikoḷomai kon singgai ki Elkana takin motoḷuadínea nobangon doḷo-doḷom, bo naonda in noibada kon i Tuhan, nobuidon in mosia kon Rama. Dá ki Elkana in nosiugdon noyotakin i Hana, ki buḷoinea tatua, bo sinubagan i Tuhan in sambayang i Hana.

SAMUEL 1 1:1

Oyúon ḷoḷaki tobatú, tangoinea in ki Elkana, nongkon suku Epraim. Sia in nogutun kon kotá in Rama, kon butá inta kon buḷud in Epraim. Ki Elkana naa in ki adí i Yeroham bo ki ompu i Elihu. Sia in noituot kon motoḷuadí i Tohu, uputpa in inanakan i Zup.

SAMUEL 1 7:17

Umuranbí natua bo mopaḷut mako mobuidon in sia kon baḷoinea kon Rama. Kon tua sia nobaḻí hakim kon intau in Israel bo noposindog doman in mezbah tobatú kon i Tuhan.