SAMUEL 1 2:1 - Alkitab Singog In Mongondow Masa In Tanaa

¹ Bo nosambayang in ki Hana, kainia, “Ki Tuhan in nopoḷungangadon kon ginaku; oaidan-Nea in nokosanangdon kon ginaku. Takin pia in gina singkuḻeonku in musungku, sin totu-totuudon kon ki Allah in notuḷungdon kon inakó.

SAMUEL 1 2:1 Referans Kwoze

MAZMUR 13:5

Dika pomayá mako in musungku in moguman kon mosia in nonaḷowdon kon inakó. Dikabí pomayá mako in akuoi goḷokapan monia.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.

MAZMUR 92:10

Kinotaauan nami in musung-Mu in yompatonbí, o Tuhan, bayongan in intau moraat in poraritonbí.

MAZMUR 89:17

Kinoouput in singgai mosia iḷungangaan in gina bo umuran notoguyoton, popisí in kopopia-Mu.

PILIPI 4:4

Kosanangdon in gina monimu sin ain nopirisaya bo nobiag notobatú takin i Tuhan. Buipa doman pogumanku: kosanangdon in ginamu!

MAZMUR 20:5

Igumon mako ogoi-Nea in bayongan inta kinoibogmu, bo mopomia sinbá bayongan in tomayámu kodapotan.

MAZMUR 9:14

Indoiaidon kaasí, musung mopororiga kon inakó; kotabipa kaasí in akuoi o Tuhan, popoḷaguipa in akuoi nongkon popatoi,

MAZMUR 35:9

Dá moḷunganga in ginaku popisí in ki Tuhan, mopia in ginaku sin Sia in noposaḷamat kon inakó.

PILIPI 3:3

Bokaka kitabí naa in intau mita inta notarima kon sunat nongkon i Allah. Kitabí naa in intau inta ain dinia i Allah sin mosumba kon i-Nia, bo umuran mosukur mako in kita sin notobatúdon i Kristus Yesus. Diá bidon in kita moitogot mako kon upacara inta sipatnea in tongábí samantara.

SURAT I PAULUS KON JAMAAT RUM 5:11

Bo deemanbí tongá tua, táe moḷungangadon totok in gina naton kon kopopia in gina i Allah inta pinopotonsigad kon i Yesus Kristus ki Tuhan naton. Sin pinongin i Kristus tuata, dá tanaa mako kita mokoalami kon hubungan naton inta mopia takin i Allah.

HABAKUK 3:18

ginaku in umuranbí moḷunganga, sin Iko in ki Tuhan mopoposaḷamatku.

MAZMUR 118:14

Ki Tuhan in pangkoi in ropotku bo kinoibo-ibogku, Sia in noposaḷamatdon kon inakó.

MAZMUR 89:24

Bayongan in musungnea daiton-Kubí yompaton, ḻimodon-Ku ki inekabí in mondoí kon inia.

IḶUAIAN 15:21

Ki Miryam nonongganut kon i monia nodondong, “Podondongdon kon i Tuhan, sin Sia in mokawasa totok. Bayongan in kabaḷo bo mododianea pinogarab-Nea kon bonu in dagat tatua.”

IḶUAIAN 15:1

Bo ki Musa takin intau mita in Israel nopodondong in dondong tanaa sin modayow kon i Tuhan, “Akuoi in moibog modondong kon i Tuhan, sin moḷobenbí in kawasa-Nea. Bayongan in kabaḷo bo intau inta sinumakoi pinogambat-Nea kon bonu in dagat.

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.

MAZMUR 51:15

Dá tundúonku in parenta-Mu kon intau baradosa, sinbá mobuidon mangoi in mosia kon ini-Mu.

MAZMUR 18:2

Akuoi in motabi kon ini-Mu, o Tuhan, Ikobí in nobaḻí ropotku.

HABAKUK 3:1

Naa in sambayang i Nabi Habakuk:

MAZMUR 75:10

Táe akuoi in umuranbí mopotaau in Allah i Yakub, mopodondong in dodayow kon i-Nia.

MAZMUR 71:8

Akuoi in umuranbí modayow kon ini-Mu, kinoouput in singgai potaauku in koagung-Mu.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

LUKAS 1:69

Sia in nobogoi in mopoposaḷamat kon i naton nongkon buí i Daud, simpaḷ-Nea.

ULANGAN 33:17

Kon i Yusup oyúon in ropot in bantong, bo tungoi in sapi in kayuon tuata in ribuan Manasye bo puḷúan ribu in Epraim. Bangusa mita in sinungoinea bo inundudnea nodapot in popod in butá.”

AYUB 16:15

Akuoi in nogiḷambung in kinopatoian nobaḻí tomponuot kon morobonoḷ in dodob, bo iḻimitú kon tudu in ḷobud sin sinaḷow.

MAZMUR 148:14

Sia in noginropotdon kon bangusa-Nea, dá Sia in dinayo-dayowdon in umat-Nea, Israel, umat inta totok in kinotabi-Nea. Dayowdon in ki Tuhan!

SAMUEL 1 1:6

Ki Hana naa in umuran i Penina inta buḷoi toḻindua tatua popoyaaton in ginanea bo singkuḻeon, sin ki Tuhan in diá nobogoi in adí kon inia.

SAMUEL 1 1:7

Tua in nobaḻí pomuḷoi in taong; aka mosia mayá in Baḷoi Tuhan, umuranbí i Penina popoyaat in ginanea. Mokakit in ki Hana mongombaḷ bo doí mongaan popisí in siningkuḻe in sia.

TAWARIKH 2 20:27

Bo ki Yosapat nonongganut kon bayongan in tontara nobui kon Yerusalem takin ḷunganga in gina sin ki Tuhan in nonaḷowdon kon bayongan in musung monia.

MAZMUR 21:2

O Tuhan, moḷunganga in gina i datu sin iniropotan-Mudon in sia; mopia in ginanea popisí in kinountungan inta inogoi-Mu kon inia!

MAZMUR 89:18

Iko in nopountung kon inami nádomai tua, popisíbí in kopopia-Mu tua dá nountung in kami.