SAMUEL 1 19:5 - Alkitab Singog In Mongondow Masa In Tanaa

⁵ Sia ain nopotaru in kobiagannea kon dodai in noḻimod kon i Goliat, bo ki Tuhan nobogoidon in kauntungan moḷoben kon Israel pinongin inia. Ki Amá tontaní in nokoontong kon onu inta nobaḻí tatua, bo nopia in gina i amá in nokoontong kon dodai intua. Dá, nongonu sin tanaa in ki Amá in moibogbí mopororigamai kon intau inta diá kotaḷá bo moibog moḻimod kon i Daud takin diá in kinodoyonannea?”

SAMUEL 1 19:5 Referans Kwoze

SAMUEL 1 11:13

Táe ki Saul noguman, “Tobatúmai in diábí motaau ḻimodon singgai in naa, sin kon singgai in naa ki Tuhan ain noposaḷamat kon Israel.”

MATIUS 27:4

Bo noguman, “Binaradosadon in akuoi sin noposarakan in dugú in intau inta diá kotaḷá!” Táe mosia notubag, “Deemanbí urusan nami intua? Tua in urusanmubí tontaní!”

SAMUEL 1 20:32

Dá tubag i Yonatan, “Nongonu sin mustibí in sia matoi? Onu in dosanea?”

HAKIM MITA 9:17

inta ain irumopot totok sin kopontingan monimu? Pokotorop, sia ain nopotaru in nyawanea sin mopoḷuat kon i monimu nongkon kawasa in intau mita in Midian.

OUMAN IN RASUL MITA 20:24

Táe tua in diábí hirauonkumai matoi kabí asaḷ bo oaidan inta pinoki aid i Tuhan Yesus kon i nakó in moḷapatku aidan bo ginaku in umuran motantú modapot in kopaḷutan kobiaganku naa kon akuoi in mustibí mopoyaput in Habar Mopia inta ain pinonotabi i Allah kon i naton.

MAZMUR 119:109

Akuoi in umuranbí moposarakan in kobiaganku, táe akuoi diábí mokoḻiong kon hukum-Mu.

SAMUEL 1 28:21

Doduataan tatua in dinimiug kon i Saul bo inontongnea kon totokdon in sia notoboḻingo: tuamai in bobay tatua noguman kon inia, “Tuangku, bobantung naa in nopotarudon in nyawa sin mogaid kon onu inta ain pinoigum i Tuang.

PILIPI 2:30

Sin lantaran oaidan i Kristus dá gogió in sia bo minatoi; norelabí totok in sia in nopotaru in nyawanea monoḻiu kon i monimu mobantung kon inakó moginḷapat kon onu inta diápa noḷapat.

YOHANES 15:25

Tongá musti bidon natua, sinbá mobaḻídon in onu inta pinais kon bonu in Hukum Agama monia nanaa: ‘Dia in kinodoyonan pinosaturuan monia kon i-Nakó.’

MATIUS 27:24

Naonda in kinotaauan i Pilatus kon diádon sia mokobayow kon i monia tua, nodapot in momangkoidon mokacau totok, dá sia in nogamá kon tubig bo nonomok kon tayowon in intau moantó bo noguman, “Diábí in taḷáku kon dugú in intau tanaa! Tua in urusanbí monimu tontaní!”

YEREMIA 26:15

Táe torop, aka moiko moḻimod kon inakó, moiko bo intau in kotá tanaa in mobaba kon taḷá kon pinoḻimodan kon intau inta diá kotaḷá. Sin, ki Tuhanbí inta nopotabá kon inakó mobogoi in tompoingat tatua kon inimu.”

MAZMUR 69:4

Akuoi in kopia mokuani nodapot in noḷopídon totok bo noingkagdon in sigogowku. Mataku in mopomporí in mogoḷat mako kon totuḷung i Allahku.

SAMUEL 1 14:45

Táe rayat in noguman kon i Saul, “Musti hukumon matoi degá in ki Yonatan? Bokaka siabí in inta nodia kon kauntungan moḷoben tanaa? Diá! Kami in modandi podoyon kon i Tuhan inta nobiag, kon ki Yonatan in diábí motaau koinggamáan in tongáka buok tougat kon uḷunea. Sin tongábí popisí in totuḷung i Tuhan, sia in nokouḻí kon kauntungan kon singgai in naa.” Natuata in nobaḻí, ki Yonatan pinosaḷamat in rayat nongkon hukuman matoi.

HAKIM MITA 12:3

Dá naonda in kinotaauanku kon moiko in diábí mamangoi motuḷung kon inakó, nomakisadon in akuoi minayá nomarang kon intau mita in Amon tatua, umpakabí akuoi matoi. Bo ki Tuhan nopountung kon inakó nongkon i monia. Yo nongonu sin tanaa moiko in mamangoibí monubu kon inakó?”

IBRANI 2:3

Apapa doman oyúon in kasaḷamatan inta motoya-toyang nongkon koyow mita tatua! Aka tongá pomayá mako naton in kasaḷamatan tatua, dá tantú diábí in kotaḻiban hukuman tatua in kita. Sin ki Tuhanbí tontaní in muna-munamai noguman kon kasaḷamatan tatua. Bo intau inta muna-munamai nokodongog kon Habar tatua in noguman doman kon i naton kon totuubí mita in habar tatua.

IḶUAIAN 14:13

Ki Musa in noguman, “Dika moondok! Korigonon in gina! Ontongonbí monimu onu in aidan i Tuhan sin moposaḷamat kon i monimu. Intau in Mesir inta inontong monimu tanaa, diá bidon ontongon bui monimu.

MAZMUR 25:3

Intau inta nonoḻikud kon ini-Mu in pokopooyáanbímai, táe inta mopirisaya kon ini-Mu in diábí pokudaion.

SAMUEL 1 19:6

Nokidongog in ki Saul kon tonggina i Yonatan tatua, bo nongibot in sia pinodoyon kon tangoi i Tuhan kon diábí ḻimodonnea in ki Daud.

SAMUEL 1 22:14

Bo ki Ahimelek in notubag, “Táe kinotaauanku in ki Daud tua in porwirabí i Tuang datu inta totok in mosatia! Sia in nobuḷoi domandon kon i adí i Tuang tontaní, tongguḷu pongawal tontaní i Tuang datu, bo totok in i horomat in bayongan intau kon bonu in komaḻig i Tuang datu.

SAMUEL 2 23:10

ki Eleazar umuran noḷongasi nomutú kon intau mita in Pilistin nodapot in noḷopídon totok in sia. Ḻimanea in notorondódon nodapot in diádon motaau in sia mogukat kon kedangnea. Kon singgai tua ki Tuhan nobogoi in kauntungan moḷoben kon Israel. Tontara in Israel inta inumundok koina bui namangoi kon tampat pinoparangan i Eleazar, bo noḷongkut kon ḷambung mita in parang nongkon mayat mita kon tua.

MAZMUR 94:21

Mosia in noyopopog monayow kon intau motuḻid, bo mopoḷabú in hukuman matoi kon intau inta diá kotaḷá.

TAWARIKH 1 11:18

Nokodongogmai kon tua, porwira toḷu tatua minayá nondangat kon pinononḷoḷaigan in intau in Pilistin bo nonangkob kon tubig in parigí tatua, onda intua dinia monia kon i Daud. Táe doí in ki Daud nonginum, binutakneabí nobaḻí sosumba kon i Tuhan.

MAZMUR 109:5

Aidku mopia kon i monia tuḻían monia in moraat, bo tabiku in tuḻían monia in yaat in gina.