SAMUEL 1 18:20 - Alkitab Singog In Mongondow Masa In Tanaa

²⁰ Ki Mikhal adí bobay i Saul inta ibanea noibogdon kon i Daud. Naonda in ki Saul nokodongog kon tua, noibog doman in sia.

SAMUEL 1 18:20 Referans Kwoze

SAMUEL 1 18:28

Natua in nobaḻí dá kinotaauandon i Saul kon ki Tuhan in noḷukadon bo kinotabi i Mikhal; adínea bobay.

SAMUEL 1 14:49

Ki adí mita ḷoḷaki i Saul in ki Yonatan, ki Yiswi, bo ki Malkisua. Ki adínea bobay inta guya-guyang tangoinea in ki Merab, bo inta nogindua tangoinea in ki Mikhal.

SAMUEL 2 3:13

Ki Daud in notubag, “Mopia! Poyaputdon in habar tanaa kon i Abner: Moibogbí in akuoi momia kon dodandian takinmu, tongá takin sarat tobatú: ki Mikhal, adí bobay i Saul, musti diaanmu mangoi kon inakó aka mamangoi in iko kon inakó.”

SAMUEL 2 6:16

Naonda in Poti tatua diniadon potuoton kon bonu in kotá, ki Mikhal adí bobay i Saul iḷumongow nongkon jandela bo inontongnea in ki Datu Daud ḷumansi-ḷansik in motayok sin mohoromat kon i Tuhan, bo nooyá in ki Mikhal in nokoontong kon i Daud.

SAMUEL 2 6:20

Kon tungkuḷ in mobuidon in ki Daud kon komaḻig sin mopoyaput in salam kon motoḷuadínea, iḻumuai in ki Mikhal nokipodungkuḷ kon i Daud bo noguman, “Singgai in naa datu in Israel totu-totuudon nopohoromat kon awaknea tontaní! Nomilangdon in sia naonda bo intau dondunguḷ inta diádon kooyá kon tayowon in ata mita bobay buḷoi in pogawai mita in komaḻig!”