SAMUEL 1 17:55 - Alkitab Singog In Mongondow Masa In Tanaa

⁵⁵ Naonda in ki Saul nokoontong kon i Daud minayá nomarang kon i Goliat, noḻibó in sia kon i Abner itoi in tontaranea, “Abner, ki adí i ine in sia?” “Diábí kinotaauan in bobantungmu naa, Tuang datu,” tubag i Abner.

SAMUEL 1 17:55 Referans Kwoze

SAMUEL 1 17:58

Bo ki Saul in noḻibó kon inia, “Uḻe intau inta mobagupa! Ki adí i ine in iko nion?” Ki Daud in notubag, “Bobantung naa in ki adí i Isai nongkon Betlehem.”

KINOBAḺIAN 42:15

Tungkuḷankupa in moiko: Ibotanku podoyon kon tangoi i datu kon moiko in diábí moiḷuai nongkon butá tanaa aka ki ai-ai monimu inta muit tua diá mamangoi in naa.

SAMUEL 1 16:12

Dá pinoki oinídon i Isai in ki adínea tatua. Noniata magí yo sia tua in tayowmobiagbí inta moḷunat bo mosehat, bo matanea in totuu mogaga. Bo ki Tuhan in noguman kon i Samuel, “Naadon in sia; duídon in sia!”

SAMUEL 1 17:54

Ki Daud in nogamá kon uḷu i Goliat, bo dinianea kon Yerusalem, táe pakakat mita in parang i Goliat sinagúnea kon bonu in ḷoḷaigannea tontaní.

SAMUEL 1 17:56

Bo nomarenta in ki Saul, “Bayá bo ḻibódon in soaḷ tatua.”

SAMUEL 1 26:5

Dá ḷagidon in ki Daud minayá in ḷoḷaigan i Saul bo kon tua kinobayáanneamai kon ḷoḷaigan ki Saul nosiug kon diug i Abner adí i Ner. Ḷoḷaigan i Saul tua in kon yuak totok, bo tontaranea mita in nononḷoḷaigan kon ḻibunea mita.

SAMUEL 1 1:26

Ki Hana in noguman kon i Eli, “Ampung, Amá. Kinotoropanpa i Amá in akuoi? Akuoi naa in bobay inta koḻipod inontong i Amá sinimindog kon naa, nosambayangmai kon i Tuhan.

SAMUEL 1 14:50

Tangoi buḷoi Saul in ki Ahinoam, i adí i Ahimaas; Itoi in tontaranea in ki Abner adí i Ner, inta pokuamáan i Saul.