SAMUEL 1 17:44 - Alkitab Singog In Mongondow Masa In Tanaa

⁴⁴ Bo buipa doman in sia nonontot kon i Daud, kainia, “Angoidon in naa! Awakmu nion in pokaanonkudon kon ḷagapan bo mahaḷuk.”

SAMUEL 1 17:44 Referans Kwoze

AMSAL 18:12

Intau inta moḷoḷatú in moḷabúbí, intau inta moompá in dodia in horomatonbí.

YEHEZKIEL 28:2

“Ei intau ilo-ilow, potaaudon kon i datu in Tirus, onu inta poguman-Ku, Akuoi ki Tuhan Inta Totok in moḷantud kon inia, ‘Iḷumoḷatú totok in iko in nonganggap kon iko in dewa inta nomarenta kon yua-yuak in dagat. Motaaubí doman iko in tumon dewa, táe toropdon, iko in tongábí intau ilo-ilow.

YEREMIA 9:23

Ki Tuhan in noguman, “Intau mobijaksana in diábí motaau in moyunggagá popisí in kobobijaksananea, intau moropot popisí in ropotnea, bo intau nooyúon popisí in kaoyúonannea.

SAMUEL 1 17:46

Singgai domandon naa posarakandon i Tuhan kon inakó in iko; taḷowonkubí in iko bo uḷumu in pongkóonkudon. Awakmu bo awak in tontara mita in intau Pilistin in pokaankudon kon ḷagapan bo mahaḷuk mita. Dá bayongan in intau kon dunia naa in monotaaudon kon kami bangusa Israel in oyúonbí in Allah inta sinumba nami,

WAHYU 19:17

Bo akuoi in nokoontong kon tobatú malaekat sinimindog kon mata in singgai bo nomaḷú noropot kon bayongan ḷagapan inta iḷumayug kon baḷangon, kai-Nia: “Koḻigai moyosipun kon naa sin tumuot kon rame moḷoben inta inaidan i Allah!

SAMUEL 1 14:12

Onda intua mosia nomaḷú kon i Yonatan bo bobantungnea, “Potakodon mangoi kon naa sinbá oyúon in poontong nami kon inimu!” Bo ki Yonatan in noguman kon tayowmobiag tatua, “Duduidon kon inakó, sin mosia in inogoidon i Tuhan kon Israel.”

SAMUEL 2 21:10

Bo ki Rizpa buḷoi i Saul inta diá inika, nopoompat in daing sosapi kon inia kon tudu in batu tampat pinopouḻidan in mayat mita tatua. Ki Rizpa in diábí nonaḷámai kon tampat tatua pinangkoi kon pinomangkoian pinonoḻisían kon bungai in boyó nodapot in nonguyan kon sempo in kinototakan. Diábí pinomayánea mako in mayat mita tatua in sinuyayow in ḷagapan mita kon dodai in singgai andeka mahaḷuk mita mokokaan kon tapú kon dodai in doḷom.

YEREMIA 34:20

Ogoi-Kubí in moiko kon musung inta moibog moḻimod kon i monimu. Mayatmu in kaanonbí in ḷagapan bo mahaḷuk mokokaan kon mahaḷuk ibanea.