SAMUEL 1 17:41 - Alkitab Singog In Mongondow Masa In Tanaa

⁴¹ Diá noonggot kon tua ki Goliat inta inunaan in intau inta mododia kon kaḻeawnea, momangkoidon mopoangoi kon i Daud.

SAMUEL 1 17:41 Referans Kwoze

SAMUEL 1 17:7

Puḷu in pandongnea ná koḷoben in kayu in gogaboḷan, bo mata in pandongnea kobogatnea in degá pitumai nokilo. Tontara tobatú in minayá inumuna kon inia kodia-dia in kaḻeaw.

SAMUEL 1 17:40

Onda intua nogamá in sia kon tungkud inta pakéonneamai moḷukad kon dombanea, bo nomiḻí kon ḻima nougat in batu inta noḻimbung kon ongkag, bo binonunea kon popojinea. Takin kokada-kadai in katipol, minayá in sia nokipodungkuḷ kon i Goliat.

SAMUEL 1 17:42

Táe naonda in sia nokoontong kon i Daud bo nonaridimai, kinumosing totok in ki Goliat bo mopoonagmai sin noguodpa totok in ki Daud bo moḷunat.

YOSUA 8:18

Onda intua ki Tuhan noguman kon i Yosua, “Tonggó in tungkudmu bo popotundú kon Ai; kotá tatua in ogoi-Kudon kon inimu in tanaa mako.” Inaidan i Yosua onu in pinarenta i Tuhan kon inia.