SAMUEL 1 17:17 - Alkitab Singog In Mongondow Masa In Tanaa

¹⁷ Kon singgai tobatú ki Isai in noguman kon i Daud, “Pogamádon kon gandum inangag mopuḷú nokilo bo roti inta mopuḷú nobatú tanaa, bo diá kon i guya-guyangmu mita inta kon pinononḷoḷaigan in tontara.

SAMUEL 1 17:17 Referans Kwoze

SAMUEL 1 25:18

Bo ḷagidon in ki Abigail nogamá kon roti doyowa nogatut, bo anggur doyowa nobotutu kuḻit, domba inangag ḻima, gandum inangag mopuḷú bo pitu nokilo, bungai in anggur inta ain nobaḻí kukis mogatut, bo kukis ara doyowa nogatut. Bayongan intua dinatognea kon keledainea mita.

LUKAS 11:13

Dá aka moiko inta moraat bo motaau mobogoi kon inta mopia kon i adímu mita, yo bambíkabí ki Amámu inta kon soroga! Sia in mobogoibí in Roho-Nea kon i monia inta umuran moigum kon i-Nia!”

MATIUS 7:11

Dá aka moiko inta moraat bo motaau mobogoi, kon inta mopia kon i adímu mita. Yo bambíkabí ki Amámu kon soroga! Sia in moiḻiubí kon tua, ogoian-Neabí inta mopia totok in ki ine inta moigum kon i-Nia.”

SAMUEL 2 17:28

Nodia in mosia kon palo, rumping, bo boḷosak kon i Daud bo intaunea mita, bo gandum doman, makeang, topong, gandum inta inangag, kasang, berenebon, biluk, keju, susu inta bagupa pinugut bo tongonumai in domba. Kinotaauan monia kon ki Daud bo intaunea mita tatua in ginogoidon, moyogang bo moḷopí sin nongkon bobayáan kon padang gurun.

RUT 2:14

Naonda in orasdon mongaan, ki Boas noguman kon i Rut, “Koḻigai mongaandon. Naa in roti bo poponoyaanea.” Dá ki Rut nongaan domandon noyotakin in mororatab mita. Ki Boas nobogoi doman in gandum inangag kon inia, bo ki Rut nongaan nobotug bo oyúonpa doman in ki agatnea.

SAMUEL 1 17:16

Kon bonu in opat nopuḷú nosinggai, pomuḷoi in doḷo-doḷom bo ḷoḷabungnea, ki Goliat dimiug kon pipidan intau in Israel bo monontot kon i monia.