SAMUEL 1 16:5 - Alkitab Singog In Mongondow Masa In Tanaa

⁵ Tubag i Samuel, “Oo, totuu. Akuoi in mamangoi sin moposumba in kuruban kon i Tuhan. Dá potusidon in awakmu sinbá motaau dumudui kon upacara pobogoian kon kuruban tatua.” Ki Isai bo ki adínea mita in pinoki tusiannea doman in awak monia kon batúannea, bo inoinínea kon upacara tatua.

SAMUEL 1 16:5 Referans Kwoze

YOSUA 3:5

Ki Yosua noguman kon umat in Israel, “Moiko in musti mopotusi in awak, sin ikoḷom in ki Tuhan mogaid kon inta mokoherang kon yua-yuakmu.”

IḶUAIAN 19:10

Naa in bayádon pokipodungkuḷai in intau mita tatua, bo potabádon in mosia singgai naa bo ikoḷom mosadia sin moibada. Mosia in musti momatá kon pakeang monia.

KORINTUS 1 11:28

Manangka intua intau in mustipabí muna momirikisa kon awaknea bain tua bo motaau mokaan kon roti bo monginum kon anggur tatua.

YOSUA 7:13

Pobangondon in tanaa, Yosua! Potusidon in umat in Israel bo potabádon in mosia mosadia tumayow kon i-Nakó. Parentaaidon in mosia mosadia in ikoḷom, sin Akuoi ki Tuhan Allah in Israel in mopotaau in naa kon i monia: ‘Ei intau mita in Israel! Barang mita inta ain pinoki payong-Ku kon i monimu, oyúonpa in kon i monimu. Aka diápa ḷumbúon monimu in barang mita tatua, yo diábí in moiko mokotongkod kon musung!’

YOËL 2:16

Sipundon in bayongan in rayat, pokiposipunai in umat. Potabádon mangoi in guyanga mita, mongoadí mita bo adí mita mointok. Nodapot in inta bagu notonibuḷoi in mustibí doman mamangoi. Potabádon in mosia monaḷámaidon kon gopot monia.

AYUB 1:5

Mopaḷut mako in bobutungan, ki Ayub in tantú mobangon doḷo-doḷom bo moposumba in kuruban ponukid kon batúan in adínea sinbá ampungan i Tuhan. Sin kon raian i Ayub, dika-dikabo ki adínea mita ain noiaid kon dosa bo noiḷautdon nokopoompámai kon i Allah takin diá sinuod.

PINOGIAPAN 11:8

Kon dodai in doḷom manna tatua moḷabú moyotakin in oḷú kon tampat inta pinononḷoḷaigan. Doḷo-doḷom intau mayá magí mako sin mosipun kon manna tatua, bo mogiḻing andeka mododok baḻíon topong, bo pomiaan monia kukis moḻimbung inta nonipit. Nanamnea naonda bo kukis inta inangag takin ḷana in zaitun.

KINOBAḺIAN 35:2

Bo ki Yakub in noguman kon buḷoi, adí ginaḷumnea bo kon bayongan intau inta kotaki-takinnea, “Kita in mobuatdon nongkon naa bo mayá in Betel. Kon tua akuoi in moposindogdon in mezbah kon i Allah inta ain notuḷung kon inakó kon dodai in kinoantugan in roriga bo inta ain noḷukad kon inakó kon ondaka in binayáanku. Dá ḷumbúdon in patong dewa mita ibanea mako inta kodia-dia monimu; aidaidon in upacara pondaritan kon awak bo pakédon in pakeang inta modarit.”

SAMUEL 1 20:26

Táe ki Saul in tongábí kibio-biómai in singgai tua, sin irainea, “Oyúon degá in nobaḻí kon inia, dá sia in diá notusi podudui in agama.”

ZEPANYA 1:7

Singgai i Tuhan in nodiugdon, kon singgai tatua oyúonbí in pomiaan i Allah; tuamai in kibio-biómaidon kon tayowon-Nea. Ki Tuhan in nosadiadon momatoi kon umat-Nea naonda bo kuruban sosumba bo Sia in nogoinídon kon musung mita in Yohuda.

DATU MITA IMITÁNEA 2:13

Kon singgai tobatú, ki Adonia minayá kon i Batsyeba. Ki Batsyeba noḻibó kon inia, “Degá inangoianmu naa in makusud mopia?” “Oo,” tubag i Adonia.

TAWARIKH 1 12:18

Tobatú nongkon sigad monia, inta ki Amasai, inta kon singgai noiduduimai nobaḻí itoi kon kolompó inta sinangoian “Tridasawira”. kinawasa in Roho i Allah bo noguman, “Daud, adí i Isai! Kami in mobantungbí kon inimu! Poigumon mako iko bo mosia inta motuḷung kon inimu in mokotongod. Ki Allah in nion kon dotámu.!” Dá sinarima i Daud in mosia bo binaḻíneadon in mosia porwira kon bonu in tontaranea mita.