SAMUEL 1 15:35 - Alkitab Singog In Mongondow Masa In Tanaa

³⁵ Nodapot in pangabisan kinobiagannea, ki Samuel diádon bui noyodungkuḷ i Saul. Táe noajar totok in gina i Samuel sin ki Tuhan in nomanasaḷ ain noduí kon i Saul nobaḻí datu in Israel.

SAMUEL 1 15:35 Referans Kwoze

SAMUEL 1 19:24

Naonda in noyaput intua, sia in noḷongkut kon pakeangnea bo notayok sindaḷan momaḷú kon tayowon i Samuel, bo noumpag kon butá takin diá koḷambu-ḷambung tosinggai bo tonggobii tua. (Naa in pinomangkoian in toḻibag inta noguman, “Nobaḻí domandon nabi degá in ki Saul?”)

SAMUEL 1 15:11

“Nomanasaḷdon in akuoi sin noduídon kon i Saul nobaḻí datu, sin sia in nonoḻikudon kon i-Nakó, bo doídon dinumudui kon parenta-Ku.” Noajar totok in gina i Samuel, bo kinoouputbí in doḷom sia nopoigum in totabi kon i Tuhan.

SAMUEL 1 16:1

Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”

PILIPI 3:18

Akuoi in umurandon noguman kon i monimu, táe tanaa in takindon ombaḷ akuoi in moguman kon nobayongdon in intau inta kobobiagnea momoguyaat kon mangaḻe in kinopatoian i Kristus kon kayu pinoyotaḻempang.

KINOBAḺIAN 6:6

Nomanasaḷdon in Sia nomia kon i monia bo nonampat kon i monia kon dunia naa. Totok nomanasaḷ in Sia,

MAZMUR 119:158

Moyaatbí in ginaku in mokoontong kon momomaḻidawan mita tatua, sin mosia tua in diábí dinumudui kon totundú-Mu.

MAZMUR 119:136

Ḷuáku in moiḻig naonda bo ongkag, popisí in hukum-Mu diá dinuduian.

SAMUEL 2 6:23

Ki Mikhal, adí bobay i Saul tatua in diábí nokouḻí kon adí kinoouputbí in kinobiagannea.