SAMUEL 1 15:30 - Alkitab Singog In Mongondow Masa In Tanaa

³⁰ Ki Saul notubag, “Akuoi ain binaradosa. Tongá tuḷungaipa Amá, pobuidon mangoi moyotakinku sinbá akuoi in motaau moibada kon i Tuhan Allah i Amá. Aka natua dá ki Amá in mohoromat kon inakó kon tayowon in itoi in bangusaku bo kon tayowon in bayongan umat in Israel.”

SAMUEL 1 15:30 Referans Kwoze

YOHANES 12:43

Sin mosia in moibo-ibogbí in kahoromatan intau dika in kahoromatan i Allah.

YOHANES 5:44

Naondabí in kopopirisaya monimu aka moiko tongábí motayak kompé dayowon in intau ibanea, diábí moramuji sinbá dayowon i Allah inta totobatú tua?

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

TIMOTIUS 2 3:5

Koontongan in mosia morajing moibada, táe onu inta pinoguman kon bonu in agama diábí duduian monia. Manangka intua dikabí dimiug kon i monia tua.

HABAKUK 2:4

Bo pokoingatdon: Intau inta moraat in diábí mosaḷamat, táe intau inta mogaid kon onu in kinoibog i Allah in mobiagbí popisí in kotoinduduinea kon i Allah.”

SAMUEL 1 15:31

Dá nobuidon mangoi in ki Samuel noyotakinnea kon Gilgal, bo ki Saul noibada kon i Tuhan.

SAMUEL 1 26:21

Bo ki Saul in notubag, “Akuoi ain nogaid kon noitaḷá. Pobuidon Daud, Adíku! Akuoi in diá bidon bui mogaid kon inta moraat kon inimu sin inogoimudon in akuoi nobiagpa in kogobíi. Dodiaku tua in nopompuḷongdon totok. Akuoi in totu-totuudon kon ain notoboḻingo!”

SAMUEL 2 12:13

Bo noguman in ki Daud kon i Natan, “Binaradosadon in akuoi kon i Tuhan.” Tubag i Natan, “Ki Tuhan in nongampungdon kon i Tuang; dá ki Tuang in diábí matoi.

IḶUAIAN 9:27

Bo datu in nogoiní kon i Musa bo kon i Harun, bo noguman, “Akuoi ain nogaid kon dosa. Ki Tuhanbí in nobanar, akuoi bo rayatku ain nogaid kon noitaḷá.