SAMUEL 1 15:26 - Alkitab Singog In Mongondow Masa In Tanaa

²⁶ Táe ki Samuel in notubag, “Akuoi in doí bidon mobui mangoi moyotakin i Tuang Datu. Ki Tuang ain noḷawang kon parenta i Tuhan, bo tanaa mako in diá bidon akúon-Nea in ki Tuang saḷaku datu in Israel.”

SAMUEL 1 15:26 Referans Kwoze

HOSEA 4:6

Moiko, imang mita, diá mopandungmai kon i-Nakó, dá umat-Ku in diá domandon mopandungmai kon i-Nakó dá nobodito in mosia. Moiko in nondoí kon totundú-Ku mita. Dá, Akuoi in mondoí doman kon i monimu, bo ki adímu mita in diá doman akúon-Ku saḷaku imang-Ku mita.

SAMUEL 1 16:1

Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”

SAMUEL 1 13:14

Táe tanaa kawasa i Tuang Datu saḷaku pomarenta in diá bidon mononoi. Popisí in ki Tuang Datu in diá dinumudui kon parenta i Tuhan, dá ki Tuhan in nomiḻídon kon intau ibanea inta kinoibog-Nea sin duíon mobaḻí datu kon umat-Nea.”

YOHANES 2 1:11

Sin intau inta mobogoi in salam kon intau ná tua, yo noyopopogdon noyotakin intau tatua nogaid kon inta moraat.

YEREMIA 6:19

Taridiai, ei butá! Umat-Ku in doíbí motarima kon totundú-Ku bo diá motoindudui kon i-Nakó. Mobaḻí bungai in tomayá monia in popoangoi-Ku in inta mokororiga kon i monia.

SAMUEL 1 15:23

Sin moḷawang kon parenta i Tuhan notongkaibí in mosihir in koraatnea, bo gina inta mododia notongkaibí in koraatnea ná nosumba kon ilah ibanea, Popisí in ki Tuang Datu ain noḷawang kon parenta i Tuhan, dá diádon akúon i Tuhan kon ki Tuang in datu.”

SAMUEL 1 15:31

Dá nobuidon mangoi in ki Samuel noyotakinnea kon Gilgal, bo ki Saul noibada kon i Tuhan.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.

KINOBAḺIAN 42:38

Táe ki Yakub in noguman, “Diá! Ki Benyamin diábí motaau diaan monimu; ki guya-guyangnea ain minatoi bo tanaa dongkadon sia in oyúon. Dika-dika sia in mobodito doman kon binayáan tatua. Akuoi naa ain nogoguyang, bo robonoḷ in gina inta popoangoi monimu tua in mokopopisídon kon kopatoianku.”

OUMAN IN RASUL MITA 13:22

Naonda in kinodoídon i Allah in sia, ki Allah nomiḻídon kon i Daud nobaḻí datu monia. Bo tanaa inta pinoguman i Allah soaḷ ki Daud, ‘Nouḻí-Kudon in ki Daud inta ki adí i Isai tobatú intau inta totok in mokosanang kon gina-Ku. Sia tua inta motoindudui kon onu in kinoibog-Ku.’

SAMUEL 1 28:18

Iko ain noḷawang kon parenta i Tuhan bo doí nomutú kon intau in Amalek takin bayongan in kapunyaan monia. Manangka intua pomiaan i Tuhan nanaa in iko.

SAMUEL 2 12:9

Nongonu sin iko in diábí noindoimai kon parenta-Ku mita? Nongonu sin inaidanmubí in moraat ná tatua? Ki Uria in pinoki ḻimodmubí kon bonu in parang; pinomayámudon mako in sia iḻimod in intau in Amon, bo ginamámu in ki buḷoinea!

HOSEA 13:11

Takin rogi inogoi-Ku in datu kon inimu, bo takin rokokot in bagang inirud-Ku bui in mosia.”

SAMUEL 2 7:15

Táe tabi-Ku kon inia in diábí moinggamá podudui in dandi-Ku. Dandi-Ku kon inia in umuran-Kubí kadaian, diábí ná inta ain pinomia-Ku kon i Saul inta ain inindoí-Ku nongkon ḷoḻitúannea sinbá iko in motaau mobaḻí datu.