SAMUEL 1 12:23 - Alkitab Singog In Mongondow Masa In Tanaa

²³ Soaḷ akuoi, poigumon mako akuoi in diá modapot in mogaid kon dosa kon i Tuhan sin diádon nosambayang kon kopontingan monimu. Táe akuoi in umuranbí motundú kon inimu kon soaḷ mita inta mopia bo inta noitutui.

SAMUEL 1 12:23 Referans Kwoze

KOLOSE 1:9

Manangka intua umurandon sambayangan nami in moiko naonda in kinodongogandon nami in habar soaḷ moiko. Kami in mopoigum kon i Allah sinbá moiko in mobijaksana bo mopandoi popisí in kawasa in Roho i Tuhan, sahingga in kotaauandon totok monimu onu in kinoibog i Allah.

SURAT I PAULUS KON JAMAAT RUM 1:9

Umuranku kotoropan in moiko aka mosambayang in akuoi. Kinotaauanbí i Allah kon onu in siningogku tua in totuubí. Sia tua in ki Allah inta oaidan-Nea in inaidanku takin gina motuḻid, oaidan tatua in mopoyaput in Habar Mopia soaḷ ki Adí-Nea.

TIMOTIUS 2 1:3

Akuoi mopoyaput in sukur kon i Allah inta binantunganku takin gina motuḻid bo modarit ná inta inaidan in mogoguyangku tungkuḷ intua. Umuranku sambayangan in moiko pomuḷoi in kotoropanku doḷom ande singgai.

TESALONIKA 1 3:10

Doḷom bo singgai kami in umuran mosambayang sinbá kita in motaaupa moyodungkuḷ moyogintayow mako bo mogintompod kon onu inta paraḷupa pakéon monimu kon mopobayá in pirisaya monimu kon i Kristus.

DATU MITA IMITÁNEA 8:36

igumon mako in nongkon soroga in Iko moibogpa mokidongog kon i monia. Bo ampungaipa kaasí in dosa in umat-Mu Israel bo in datu monia. Tundúdon in mosia momia kon onu inta moitutui. Mopaḷut mako kon tua, o Tuhan, popoangoidon in uyan kon butá-Mu tanaa, butá inta inogoi-Mu kon umat-Mu sin mobaḻí kapunyaan monia mononoi.

OUMAN IN RASUL MITA 12:5

Dá ki Petrus in sinahang kon bonu in ponjara, táe umuran sambayangan in bayongan jamaat sinbá tantú in sia tuḷungan i Allah.

MAZMUR 34:11

Umpaka singa mita yo gogoyonbí doman popisí in kodaitan in kaanon; táe intau inta mosumba kon i Tuhan in diábí kodaitan.

YEREMIA 6:16

Ki Tuhan in noguman kon umat-Nea, “Sindogdon kon poyotangaan mita in daḷan, bo taridiadon kopira! Ḻibódon in daḷan mita dungkuḷmai, bo onda in mopia-pia kon sigadnea. Duduiaidon in daḷan tatua, sinbá moiko in mobiag moodom.” Táe mosia in noguman, “Diá, kami in doíbí mongin daḷan tatua!”

TAWARIKH 2 6:27

o Tuhan kon soroga, indongogaipa kaasí in mosia bo ampungaipa in dosa in bobantung-Mu mita umat in Israel. Tundúdon in mosia mogaid kon onu in moitutui. Mopaḷut mako kon tua Tuhan, o Tuhan, popoangoidon in uyan kon butá-Mu, butá inta ain inogoi-Mu kon umat-Mu sin mobaḻí kapunyaannea mononoi.

KOLOSE 1:28

Ki Kristusbí tatua inta pinotaau nami kon intau mita. Kami nomaké in kabijaksanaan bo pongotahuan in mononggina bo motundú kon i monia, sinbá pomuḷoi in intau motaau diaan kon i Allah saḷaku intau inta noguyangdon in pirisaya, sin mosia ain notobatú i Kristus.

OUMAN IN RASUL MITA 20:20

Táe umpakabí natua yo diábí kon dodai in onda in akuoi nogogai nopotaau kon onu inta mokobaraguna kon i monimu. Tua komintan ain pinotaauku kon i monimu bo ain doman sinundúku kon i monimu kon tayowon in intau mobarong andeka kon baḷo-baḷoiannea.

MOHOHUTUBA 12:10

Sia in moḷongasi motayak kon tosingogon poḻipoi, bo tosingogon mita inta pinaisnea in mojujurbí.

AMSAL 4:11

Ain sinundúku in hikmat kon inimu bo nopoontong in kobobiag inta moitutui.

KORINTUS 1 9:16

Sin akuoi in mopoyaput in Habar Mopia, deemanbí tongá mokikoontong kon intau. Táe ki Allahbí in nopotabá kon i nakó. Tuamai baradosaanbí in akuoi aka diá popoyaputku in Habar Mopia tatua!

IḶUAIAN 32:30

Nopoikoḷomai kon singgai ki Musa noguman kon bangusa tatua, “Moiko ain nogaid kon dosa moḷoben. Táe tanaa akuoi in motakod bui kon buḷud tatua sin mayá tumayow kon i Tuhan; igumon mako akuoi mokouḻí kon totabi bo ampungandon in taḷá monimu.”

SAMUEL 1 12:19

Bo nogumandon in mosia kon i Samuel, “Tuḷungaipa, Amá, posambayangaipa in kami kon i Tuhan Allahmu, sinbá diá in kami matoi. Tanaa in kinotaauandon nami kon koḻikud in dosa nami koḻipod, kami in dinosadon bui sin kami ain noigum kon datu tobatú.”

YEREMIA 15:1

Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

YEREMIA 27:18

Aka mosia bo totuu kon nabi, bo ain notarima kon koyow nongkon i-Nakó, yo notantú bidon kon tanaa in mosia in moigumbí kon i-Nakó, Tuhan Inta Totok in mokawasa, sinbá pakakat mita inta oyúonpa kon Baḷoi-Ku bo kon komaḻig in datu kon Yerusalem in diádon akuton pobayá in Babel.

YEREMIA 42:4

Akuoi in notubag, “Mopia aka natuabí. Tarimaanku onu in pinoigum tua. Mosambayang in akuoi kon i Tuhan Allah naton, bo onukabí in potubag-Nea, potaaukubí komintan; tobatúmai yo diábí bunionku kon inimu.”

SAMUEL 1 8:6

Táe diábí nosanang in gina i Samuel in nokodongog kon onu inta pinoigum monia tua. Bo nosambayang in sia kon i Tuhan,

MAZMUR 34:12

Indongogaidon, ei mongoadí mita, tundúonku in moiko mohoromat kon i Tuhan.

MAZMUR 122:6

Posambayangdon kon kotompiaan in Yerusalem: “Igumon mako bayongan in intau inta moibog kon inimu in motompia.

YESAYA 30:21

Aka moiko bo tumabat nongkon daḷan, kon tumimu kodongogan in singog-Nea inta moguman, “Naa in daḷannea; pongin daḷan tanaa.”