SAMUEL 1 11:9 - Alkitab Singog In Mongondow Masa In Tanaa

⁹ Nopaḷut mako kon tua pinotaaudon nanaa kon totabá nongkon Yabesh: “Potaaudon kon bayongan in intau kon Yabesh, kon ikoḷom doḷo-doḷom kon dodai in diápa moutu in singgai, mosia in mokouḻíbí kon totuḷung.” Naonda in intau mita in Yabesh notarima kon koyow tatua, nopiadon totok in gina monia.

SAMUEL 1 11:9 Referans Kwoze

MAZMUR 18:17

Nongkon omonik ki Tuhan nopotuntun in ḻima-Nea; kinadaian-Nea in akuoi bo inugut-Nea nongkon tubig inta noḻinow.

HAKIM MITA 21:8

Dá sinarididon monia mongo oyúon in tobatúmai in inanakan nongkon suku bangusa in Israel inta diá minayá noyosipun kon Mizpa. Bo noniata magí monia dá intau mita in Yabesh kon Gilead, diá tobatúmai in minayá kon Mizpa.

SAMUEL 1 11:8

Mosia in sinipun bo iniap kon Bezek: Kobayong monia tua in 300.000 intau in Israel, bo 30.000 in intau in Yohuda.

SAMUEL 1 11:10

Guman monia kon i Nahas, “Ikoḷom kami in tumungkudon, bo motaaudon pomiaanmu ibo-ibog.”

SAMUEL 1 31:11

Táe kinodongogandon in intau mita in Yabesh kon Gilead in onu inta ain pinomia in intau in Pilistin kon i Saul,

SAMUEL 2 2:5

nopotabá in sia in totabánea minayá takin koyow, “Poigumon mako ki Tuhan momarakat kon i monimu, sin moiko in noponiatadon in kotoinduduimu kon i datumu sin noḷobong kon awaknea.

TAWARIKH 1 10:12

intau mita inta totok in mongobarani kon sigad monia in minayá nogamá kon mayat i Saul bo i adínea mita ḷoḷaki bo dinia monia kon Yabesh. Iḷobong monia in tuḷannea mita kon siungon in pangkoi in kayu moḷoben onda intua mosia nopuasa pitu nosinggai in koonggotnea.