SAMUEL 1 1:9 - Alkitab Singog In Mongondow Masa In Tanaa

^9-10 Kon singgai tobatú kon dodai in mosia nopaḷutdon nongaan kon Baḷoi i Tuhan kon Silo, ki Hana nobuatdon nongkon meja pongongaanan. Kon dodai intua ki Imang Eli inta kon Baḷoi doman i Tuhan, ḻimitú mako kon kaderanea kon diug in ḷoḻingkop. Takin kuyang in gina ki Hana nosambayang kon i Tuhan poḷat doman nongombaḷ mopoina-inak.

SAMUEL 1 1:9 Referans Kwoze

SAMUEL 1 3:3

bo ki Samuel in nosiug kon diug in Poti Dodandian i Tuhan, kon bonu in Ḷoḷaigan Motusi. Kon dodai in diápa nobayag bo togá koyongki-yongkitpa,

MAZMUR 27:4

Tongábí tobatú in igumonku kon i Tuhan, tongábí naa in koibogku: mogutun kon Baḷoi Tuhan kinoouput in kobiaganku, sin motarima kon kopopia i Tuhan bo mopoigum sinbá kapiton-Nea.

MAZMUR 5:7

Yopúon-Mu in intau mita inta moibog monguboḷ. Mopopak bo moḷoḻimod mobú in Iko in mokoontong.

SAMUEL 2 7:2

Dá nogumandon in ki datu kon i Nabi Natan, “Indoiai, akuoi in nogutun kon komaḻig inta pinomia nongkon kayu ḷokuyú in Libanon, bokaka Poti in Dodandian i Allah in tongábí sinagú kon bonu in ḷoḷaigan!”

SAMUEL 1 3:15

Nopaḷut mako kon tua ki Samuel nosiugdon bui, bo naonda in doḷo-doḷom nobangon in sia bo nomukat kon ḷoḻingkop mita in Baḷoi i Tuhan. Moondok in sia in mopotaau kon i Eli kon onu inta inontongnea tatua,

MAZMUR 29:9

Singog i Tuhan nodandú kon pangkoi mita in kayu nunuk, bo nokototak kon dáun mita kon kayuon; bo kon Baḷoi i Tuhan umat nomaḷú, “Dayowdon in ki Tuhan!”

IḶUAIAN 21:6

dá ki tuangnea in mustidon modia kon inia kon tampat pooibadaan. Kon tua ata tatua pokisindogan bo umandoḷ kon ngara ande kon oigi in ḷoḻingkop tampat pooibadaan, bo ki tuangnea in musti momubú kon bongoḷannea, bo sia in mobaḻídon atanea modapot in sia matoi.

SAMUEL 1 4:13

Ki Eli, inta totokdon in moḻia-ḻiaw in gina momikirmai kon kasaḷamatan in Poti Dodandian i Tuhan, ḻimitú mako kon kadera kon bingkí in daḷan, koyogot in momikirmai. Naonda in intau tatua nopotaaudon in habar kino taḷowan in Israel, bayongan in intau kon kotá tatua noguang totok.