SAMUEL 1 1:8 - Alkitab Singog In Mongondow Masa In Tanaa

⁸ Bo pomuḷoi doman mako ki Elkana, ki buḷoinea, moḻibó “Nongonu sin mongombaḷbí in iko Hana? Nongonu sin iko in doíbí mongaan bo umuran molamurú mako? Degá diábí kinotaauanmu kon akuoibí naa in moponti-ponting kon inimu nongkon adí mita ḷoḷaki mopuḷú?”

SAMUEL 1 1:8 Referans Kwoze

RUT 4:15

Ki mototakamu tua in totokbí in motabi kon inimu. Sia in nobogoidon kon inimu in noiḻiu kon onu inta motaau ogoi in intau ḷoḷaki pitu. Tanaa sia in nobogoidon doman in ompu ḷoḷaki tobatú kon inimu, inta moporoton bui kon ginamu, bo inta moḷukad kon inimu kon kogoguyangannea.”

YESAYA 54:6

Israel, iko in naonda bo buḷoi bobay inta nobagupa inta nokuyang in gina popisí in sinaḷáan i buḷoinea. Táe ki Allah in nogoiní bui kon inimu bo noguman,

AYUB 6:14

Kon bonu in roriga ná tanaa, moibog in akuoi kon yobayat inta totuu moyobayat. Umuranpa degá in akuoi motoindudui andeka monaḷámaidon kon ki Inta Totok in Mokawasa.

TESALONIKA 1 5:14

Utatku mita naa doman dugang in tonggina nami kon i monimu; toboḷow pia-pia mako in mosia inta doí mogaid bo tantú irigonai in gina in intau mita inta mongoondok, bo dika koḻiongan in motuḷung kon intau mita bogá bo mokoposabar in tumayow kon intau inta noyagi-yagimai in oaid.

YOHANES 20:15

Ki Yesus noḻibó kon inia, “Iná, nongonu sin mongombaḷ? Ki ine in tayakon i Iná?” Sinangka i Maria kon Sia tua in moḷoḷukadbí kon taman tatua, dá sia in noguman, “Amá, aka ki Amá in nomamping kon i-Nia nongkon naa, yo tuḷungaipa poguman kon inakó mongo kon onda in pinotagúan i Amá kon i-Nia, sinbá motaauku bayáan gamáan in Sia.”

YOHANES 20:13

Malaekat mita tatua in noḻibó, “Iná, nongonu sin mongombaḷ?” Ki Maria in noguman, “Ki Tuhanku in ginamádon in intau, bo diá doman kinotaauanku mongo pinobayá monia in onda.”

MAZMUR 43:4

Dá akuoi in mopobayádon in mezbah i Allah, kon tayowon i Allah pangkoi in kopiaanku. Akuoi in modondongbí bo mopogogitog in kecapi, sin modayow kon ini-Mu, o Allah, Allahku.

YESAYA 54:1

Yerusalem, dungkuḷmai iko in naonda bo bobay bantó inta diá monononggadí. Táe tanaa in porogiowdon, bo podondongdon takin ḷunganga in gina! Sin ki adímu mita in nobayong totok, noiḻiu kon adí bobay inta diá sinaḷáan in buḷoi.

DATU MITA 2 8:12

“Nongonu sin ki Tuang in mongombaḷbí?” iḻibó i Hazael. “Kinotaauanku in moraat inta pomiaanmu kon intau in Israel,” guman i Elisa. “Turubonmu in kotá mita inta oyúon in poḷoḷukadan, moḻimod kon tayow mobiag mita inta totok in mongopia, bo monagang kon adí mita mointok bo momotak kon sian in bobay mita inta nonogusian.”

SAMUEL 1 1:7

Tua in nobaḻí pomuḷoi in taong; aka mosia mayá in Baḷoi Tuhan, umuranbí i Penina popoyaat in ginanea. Mokakit in ki Hana mongombaḷ bo doí mongaan popisí in siningkuḻe in sia.