SAMUEL 1 1:6 - Alkitab Singog In Mongondow Masa In Tanaa

⁶ Ki Hana naa in umuran i Penina inta buḷoi toḻindua tatua popoyaaton in ginanea bo singkuḻeon, sin ki Tuhan in diá nobogoi in adí kon inia.

SAMUEL 1 1:6 Referans Kwoze

AYUB 6:14

Kon bonu in roriga ná tanaa, moibog in akuoi kon yobayat inta totuu moyobayat. Umuranpa degá in akuoi motoindudui andeka monaḷámaidon kon ki Inta Totok in Mokawasa.

AYUB 24:21

Tua komintan in nobaḻí sin sia in nondorot kon intau inta dongkadon boba-bobay mita, bo nopoaid kon inta moraat kon iná inta diá kogadí kon ḷoḷaki.

IMAMAT 18:18

Dika motonibuḷoi takin i utat i buḷoimu aka ki buḷoimu nobiagpa.

KINOBAḺIAN 30:1

Táe ki Rahel in diápa doman kogadí. Manangka intua nointoidon in sia kon i guya-guyangnea, bo sia noguman kon i Yakub, “Ogoiaidon akuoi in adí, aka diá, yo akuoi in simimpatoidon.”

SAMUEL 1 1:7

Tua in nobaḻí pomuḷoi in taong; aka mosia mayá in Baḷoi Tuhan, umuranbí i Penina popoyaat in ginanea. Mokakit in ki Hana mongombaḷ bo doí mongaan popisí in siningkuḻe in sia.

HAKIM MITA 11:37

“Tongá,” kain guman in adí bobay tatua bui, “tobatú in poigumonku: Ogoiaipa akuoi in wakutu doyowa nobuḷan modondaḷoi magí-mako kon buḷud takin yobayatku mita. Kon tua in akuoi mongombaḷdon kon kamangku naa, sin akuoi in matoidon kon dodai in akuoi diápa pobuḷoion.”

SAMUEL 1 2:1

Bo nosambayang in ki Hana, kainia, “Ki Tuhan in nopoḷungangadon kon ginaku; oaidan-Nea in nokosanangdon kon ginaku. Takin pia in gina singkuḻeonku in musungku, sin totu-totuudon kon ki Allah in notuḷungdon kon inakó.

SAMUEL 2 6:23

Ki Mikhal, adí bobay i Saul tatua in diábí nokouḻí kon adí kinoouputbí in kinobiagannea.