SAMUEL 1 1:3 - Alkitab Singog In Mongondow Masa In Tanaa

³ Pomuḷoi in taong in ki Elkana mayá nongkon Rama sin moibada kon Silo bo moposumba in kuruban kon i Tuhan Inta Totok in Mokawasa. Imang i Tuhan kon dodai intua kon Silo in ki Hopni bo ki Pinehas, adí mita i Eli.

SAMUEL 1 1:3 Referans Kwoze

LUKAS 2:41

Pomuḷoi in taong guyanga i Yesus mayámai in Yerusalem sin porayaan kon singgai moḷoben Paska.

YOSUA 18:1

Naonda in nopotungkud mako in butá inta pinodandi i Tuhan, bayongan umat in Israel noyosipun kon Silo, bo mosia noposindog in Ḷoḷaigan Koangoian i Tuhan.

IḶUAIAN 34:23

Kotoḷu in totaong bayongan intau ḷoḷaki musti mamangoi mosumba kon i-Nakó, ki Tuhan Allah Israel.

IḶUAIAN 23:14

“Batúan in taong moiko musti kotoḷu mogaid kon rame moḷoben sin mohoromat kon i-Nakó.

SAMUEL 1 1:21

Nodapotdon in wakutunea ki Elkana takin motoḷuadínea mayá in Silo bui sin moposumba in kuruban taongan kon i Tuhan. Koḻikud intua ki Elkana ain nodandi kon moposumba in kuruban inta ain sinantúnea.

SAMUEL 1 1:9

Kon singgai tobatú kon dodai in mosia nopaḷutdon nongaan kon Baḷoi i Tuhan kon Silo, ki Hana nobuatdon nongkon meja pongongaanan. Kon dodai intua ki Imang Eli inta kon Baḷoi doman i Tuhan, ḻimitú mako kon kaderanea kon diug in ḷoḻingkop. Takin kuyang in gina ki Hana nosambayang kon i Tuhan poḷat doman nongombaḷ mopoina-inak.

ULANGAN 16:16

Bayongan in intau Israel ḷoḷaki in musti mamangoi kon i Tuhan Allahmu kon tampat inta piniḻí-Nea kotoḷu in totaong, tuata in kon Singgai Moḷoben Paska, kon Singgai Moḷoben Posipunan kon Boyó bo kon Singgai Moḷoben Pondok Daun. Bayongan in intau musti modia kon sosumba

HAKIM MITA 18:31

Patong berhala inta pinomia i Mikha tatua umuranbí kon Lais kon dodai in Ḷoḷaigan i Tuhan kon Silo.

MAZMUR 78:60

Sia in nonaḷámai kon ḷoḷaigan-Nea kon Silo, tampat pogogutunan-Nea kon sigad in intau.

SAMUEL 1 4:11

Poti Dodandian i Allah inagow in musung in Israel, bo ki adí i Eli doyowa, ki Hopni bo ki Pinehas, minatoi.

SAMUEL 1 4:4

Bo nopotabádon in mosia kon intau minayá in Silo sin mogamá kon Poti Dodandian i Tuhan inta nobaḻí tampat pomomarentaan i Tuhan Inta Totok in Mokawasa. Ki adí i Eli doyowa, ki Hopni bo ki Pinehas, dinumudui doman kon Poti Dodandian tatua.

SAMUEL 1 3:13

Aindon pinotaau-Ku kon inia kon motoḷuadínea in umuran hukumon-Ku popisí in ki adínea mita ain nokopoonagmai kon i-Nakó. Kinotaauanbí i Eli in dosa mita monia tua, táe diábí sinorúannea.

SAMUEL 1 2:34

Mobaḻí tomponuot kon bayongan inta ain pinoguman-Ku tua in totuubí, dá ki adímu doyowa tatua, ki Hopni bo ki Pinehas in matoibí kon tongosinggai monag.

IḶUAIAN 23:17

Pomuḷoi in taong kon dodai in pomiaan porayaan toḷu tatua, bayongan ḷoḷaki musti mamangoi mosumba kon i-Nakó, ki Tuhan Allahmu.

HAKIM MITA 21:19

“Nanaa,” guman monia, “oyúon in daḷannea, oḷatdon kon dodai in poramean taongan kon i Tuhan kon Silo.” (Kon dotá in toḷatan Silo tanaa oyúon in kotá in Betel, bo kon dotá in toyopannea oyúon in daḷan moḷoben in Betel mopobayá ná Sikhem, bo kon dotá in utuannea oyúon in kotá in Lebona.)

SAMUEL 1 2:19

Pomuḷoi in taong ki inánea momia kon jubah mointok bo ogoinea kon i Samuel aka bobay tatua moyotakin i buḷoinea mamangoi moposumba in kuruban taongan.

SAMUEL 1 14:3

(Imang inta nodia kon epod in ki Ahiya adí i Ahitub, inta ki utat i Ikabod adí i Pinehas, bo ki Pinehas ki adí i Eli, in imang i Tuhan kon Silo.) Kinotaauan domandon in rayat kon ki Yonatan in minayá domandon nongkon tua.