RUT 4:6 - Alkitab Singog In Mongondow Masa In Tanaa

⁶ Tubag in intau tatua, “Aka natua, dá diá in akuoi mokosanggup. Dá tanaa in mopia-piabí kon ḷuatankudon in hakku saḷaku intau inta muna totok inta musti motaḷui kon butá tatua. Diá in mangaḻenea potaḷuianku kon tua sin butá tatua in notantúdon kon diábí mobaḻí kapunyaan in buíku. Maníka ikodon in motaḷui kon tua.”

RUT 4:6 Referans Kwoze

RUT 3:13

Doḷom naa in posiugpa in iko kon naa. Ikoḷom doḷo-doḷom bain bayáanku ḻibóon mongo moibog in sia mopobayá in oaidannea tatua kon inimu andeka doí. Aka moibog in sia, dá mopia; táe aka doí in sia, dá modandi in akuoi podoyon kon i Allah inta nobiag, aidanku in onu inta mustiku aidan tatua. Tanaa in posiugdon iko kon naa dapot in doḷo-doḷom.”

IMAMAT 25:25

Aka intau Israel tobatú mobaḻí nomasiking dá pakisadon sia mopotaḷui in butánea, dá ki utatnea inta modagin totok kon inia in kitogi hak motobut kon butá tatua.

ULANGAN 25:7

Aka intau tatua doí motonibuḷoi takin i baḷú i utatnea, dá bobay tatua in musti mayá kon tayowon in guhanga in kotá bo moguman, ‘Ki ipáku in doí mopobayá in oaidannea mobogoi kon i utatnea in buí tobatú kon sigad in bangusa Israel.’

KINOBAḺIAN 38:8

Bo ki Yohuda in noguman kon i Onan ki ai-ai Er, “Bayádon kon i baḷú i guya-guyangmu, bo potonibuḷoidon takinnea saḷaku toḻiu i guya-guyangmu bo pobogoidon in buí kon i guya-guyangmu.”

ULANGAN 25:8

Bo guhanga mita in ḻipú kon kotá in musti mogoiní kon intau tatua bo moyosingog takinnea. Aka sia umuran doman doí,

ULANGAN 25:9

ki baḷú i utatnea in musti dimiug kon inia kon tayowon in guyanga mita in ḻipú kon kotá, mogamá kon silop in intau tatua, monduyá kon pogotnea bo moguman, ‘Nanaa in musti popoaid kon intau inta doí mobogoi in buí kon i utatnea.’

RUT 2:20

“Adíku, intau tatua in ginaḷumbí naton modiug,” guman i Naomi. “Siabí tua in musti moindoi kon i naton. Poigumon mako ki Tuhan momarakat kon inia. Ki Tuhan in tantúbí mogintompod kon dandi-Nea, pinomayá kon intau inta nobiagpa ande kon intau inta ain minatoi.”

RUT 3:9

“Ki ine in iko?” iḻibónea. “Akuoi naa in ki Rut, Amá!” tubag i Rut. “Ki Amá in ginaḷum nami inta modagin inta musti moindoi kon kobiaganku. Aka motaau yo baḻídon in akuoi ki buḷoi i Amá.”