RUT 4:4 - Alkitab Singog In Mongondow Masa In Tanaa

⁴ Bo rasaanku in mustibí kotaauanmu in tua. Aka moibog in iko motaḷui kon tua, yo pogumandon kon tayowon in intau mita inta iḻimitú kon naa. Aka diá, yo pogumandon moyogintayowan doman mako naa, sin tongábí kitada in oyúon hak kon tua; iko in muna-munamai, akuoi in nogindua.” Tubag in intau tatua, “Oo, taḷuionku intua.”

RUT 4:4 Referans Kwoze

PILIPI 4:8

Naa in simpod in singogku utat mita, porai kon onu inta oyúon in baragunanea, bo onu inta motaau dayowon, ná soaḷ mita inta moitutui, inta horomatonmai, inta moadil, modarit, inta moromimit bo inta mopia.

KORINTUS 2 8:21

Sin kami in moibogbí mogaid kon inta mopia, deemanbí tongá kon tayowon i Allah táe kon tayowonbí doman in intau.

SURAT I PAULUS KON JAMAAT RUM 12:17

Aka intau mopoaid in moraat kon inimu yo donaaibí tuḻíanmu in moraat. Aidaibí in onu inta inanggap mopia in bayongan intau!

YEREMIA 32:25

Táe umpaka natua, o Tuhan Inta Totok in momulia, Ikobí in nopotabá kon inakó notaḷui kon butá tanaa kon tayowon in sakusi mita, umpaka topiḻikpa bo kotá tanaa in agowondon in intau in Babel.”

KINOBAḺIAN 23:18

Butá tatua ináku in bayongan intau in Het inta oyúon kon pinoyodungkuḷan kon ngara moḷoben in kotá, kon tua in butádon i Abraham.

KINOBAḺIAN 23:11

“Bangusakudon tontaní in nobaḻí sakusi kon gobá tatua takin angobnea in ogoiku sinbá ki Tuang motaau moḷobong kon i buḷoi Tuang kon tua.”

ULANGAN 25:8

Bo guhanga mita in ḻipú kon kotá in musti mogoiní kon intau tatua bo moyosingog takinnea. Aka sia umuran doman doí,

RUT 2:20

“Adíku, intau tatua in ginaḷumbí naton modiug,” guman i Naomi. “Siabí tua in musti moindoi kon i naton. Poigumon mako ki Tuhan momarakat kon inia. Ki Tuhan in tantúbí mogintompod kon dandi-Nea, pinomayá kon intau inta nobiagpa ande kon intau inta ain minatoi.”

RUT 3:9

“Ki ine in iko?” iḻibónea. “Akuoi naa in ki Rut, Amá!” tubag i Rut. “Ki Amá in ginaḷum nami inta modagin inta musti moindoi kon kobiaganku. Aka motaau yo baḻídon in akuoi ki buḷoi i Amá.”

RUT 3:12

Totuubí, kon mustibí in akuoi moindoi kon kobiaganmu, sin akuoi naa in ginaḷummu inta modagin. Táe oyúonpabí in intau ibanea inta musti moindoi kon kobiaganmu. Bo sia tua in ginaḷum inta modagi-dagin nongkon inakó naa.