RUT 4:10 - Alkitab Singog In Mongondow Masa In Tanaa

¹⁰ Koḻikud intua gamáanku domandon in ki Rut, bobay in Moab, ki baḷú i Mahlon tua mobaḻí ki buḷoiku. Sinbá butá tatua in umuran mobaḻí kapunyaan in motoḷuadí in intau inta ain minatoi tua. Bo buínea in umuran doman kon yua-yuak in ginaḷumnea bo kon kotánea. Toropdon Utat mita, singgai in naa moiko komintan in nobaḻí sakusinea.”

RUT 4:10 Referans Kwoze

ULANGAN 25:6

Adí ḷoḷaki guya-guyang monia in mustibí anggapon adí i utat inta ain minatoi tatua, sinbá oyúon in buínea kon sigad in bangusa Israel.

EPESUS 5:25

Buḷoi ḷoḷaki, musti motabi kon i buḷoinea, ná doman tabi i Kristus kon jamaat inta dapot in noposarakan in awak-Nea sin kopontingan in jamaat tatua.

IBRANI 13:4

Mustibí untuon mako in mangaḻe in tonibuḷoi, tuamai doyowa motonibuḷoi musti mososatiaan tobatú bo tobatú. Sin intau inta mogaid kon mokotor bo inta mononuaḻing in adilonbí i Allah.

MALEAKHI 2:14

Moiko in moḻibó nongonu sin doíbí in Sia motarima. Popisí in kinotaauan i Tuhan in moiko kon diá motoindudui kon bobay inta sinonibuḷoi monimu kon dodai in noguodpa. Bobay tatua in yobayat kon kobiaganmu, táe moiko in nomaḻidawandon kon inia, Umpaka kon tayowon i Allah moiko in nodandidon kon umuran motoindudui kon i-Nia.

ZAKHARIA 13:2

Kon singgai tatua popatan-Kudon in tangoi in berhala mita nongkon butá tanaa, dá diádon tobatúmai in mokotoropa kon tua. Bayongan intau inta mongaku kon nabi in sia poguntunon-Ku takin i monia inta kinokawasaan in dimukud inta motombogá.

HOSEA 12:12

tongá umpaka natua oyúonpa doman in nosumba kon berhala kon Gilead, bo moposumba in sapi kon tudu in mezbah kon Gilgal. Táe mosia inta nosumba kon berhala tatua in matoibí, bo mezbah mita kon Gilgal in mobaḻíbí bonturungan in batu kon gobá mita.”

HOSEA 3:2

Dá uboḻian-Ku in doit saḷaka mopuḷú bo ḻima bo mogatut bo ḻima nopuḷú nokilo in gandum sinbá mokouḻí kon bobay tatua.

YESAYA 48:19

Buímu in naonda bo kobayong in bungaion; Akuoi in mojamin kon mosia in diábí kon dodai in onda in yopúon.”

AMSAL 19:14

Baḷoi bo kapunyaan motaaubí in mouḻí nongkon guranga, táe buḷoi bobay inta mobijaksana in barakatbí nongkon i Tuhan.

AMSAL 18:22

Intau inta mokouḻí kon buḷoi bobay, mokouḻí kon kauntungan; buḷoi in barakat nongkon i Tuhan.

MAZMUR 109:15

Biódon mako in dosa monia umuran kotoropan i Tuhan, bo diábí in monanob kon i monia kon butá.

MAZMUR 34:16

Ki Tuhan in monaridi mako kon intau inta motoḷutui, Sia in mokidongog aka mosia mokuani mokituḷung.

YOSUA 7:9

Intau in Kanaan bo bayongan intau ibanea kon butá tanaa in mokodongogdon kon tua. Ḻibutandon monia bo ḻimodon in kami komintan! Yo onu in pomiaan-Mu sinbá tangoi-Mu in umuran horomaton?”

KINOBAḺIAN 29:27

Oḷatdon modapot in mopaḷut pesta ponikaan pitu nosinggai, bain ogoiku in ki Rahel kon inimu doman, asaḷ iko in moibogpa mogaid kon inakó pitu notaong bui in koonggotnea.”

RUT 4:9

Dá ki Boas in noguman kon intau mita inta dinuí itoi kon tua takin bayongan in intau inta kon tua, “Singgai naa moiko komintan in mobaḻí sakusi kon akuoi ain notaḷui nongkon i Naomi in bayongan inta kapunyaan i baḷunea ki Elimelekh bo i adínea mita, inta ki Kilyon bo ki Mahlon.

KINOBAḺIAN 38:9

Táe kinotaauan i Onan kon aka oyúondon in adínea yo deemanbí sia in kitogi gadí kon tua mita. Dá, pomuḷoi in sia mosiugdon moyotakin i baḷú i guya-guyangnea tatua, tongá tantúnea ḷumbúon kon ḷuai in tubignea sinbá ki guya-guyangnea diá mokouḻí kon buí.