RUT 2:4 - Alkitab Singog In Mongondow Masa In Tanaa

⁴ Diá noonggot kon tua ki Boas namangoi nongkon Betlehem bo nopoyaput in tosingogon tanaa kon intau mita inta mororatab tatua, “Poigumon mako ki Tuhan kotaki-takin monimu,” Intau mita mororatab tatua in notubag, “Poigumon mako ki Tuhan momarakat kon i Amá.”

RUT 2:4 Referans Kwoze

TESALONIKA 2 3:16

Ki Tuhanbí tua in pangkoi in kobiagan naton motompia. Poigumon mako umuran in Sia mobogoi kon i monimu in kobiagan motompia bo moonow kon bayongan in yagi-yagi. Bo igumon doman mako sinbá ki Tuhan in umuran moyotakin monimu komintan.

LUKAS 1:28

Malaekat tatua sinumuot kon baḷoi i Maria bo poḷat noguman nanaa, “Salam kon inimu inta binarakatan, ki Tuhan in koyota-yotakinmu.”

HAKIM MITA 6:12

Malaekat i Tuhan tatua nokipogontong kon inia bo poḷat noguman, “Ei, tayowmobiag inta motorindog! Ki Tuhan kotaki-takinmu!”

TIMOTIUS 2 4:22

Poigumon mako ki Allah in umuran moyotakinmu bo umuran doman mobogoi in barakat kon i monimu komintan! Horomat nami, Ki Paulus

MAZMUR 118:26

Binarakatandon in sia inta namangoi pinodoyon kon tangoi Tuhan, barakatan nami in moiko nongkon Baḷoi Tuhan.

RUT 4:11

Intau mita inta dinuí itoi kon tua bo intau ibanea inta kon tua noguman, “Oo, kamidon in sakusinea. Poigumon mako ki Tuhan in mopobaḻí kon i buḷoimu tua naonda bo ki Rakhel bo ki Lea inta nopononggadí in adí mobayong kon i Yakub. Poigumon mako iko in mobiagdon mooyúon totok kon sigad in intau mita nongkon inanakan in Eprata bo poigumon doman mako iko in mobaḻídon intau inta tango-tangoiondon totok kon Betlehem.

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

RUT 2:3

Dá minayádon in ki Rut kon gobá bo nopuyut kon gandum dumuduianmai kon intau mita inta noratab. Noitongkanábí in sia kon gobá i Boas.

RUT 2:5

Bo ki Boas noḻibó kon intau moḷoḷukadnea, “Ki ine in bobay tatua?”

KINOBAḺIAN 28:3

Poigumon mako ki Allah Inta Totok Mokawasa momarakat kon tonibuḷoimu bo mobogoi kon inimu in adí bo ompu inta mobarong, dapot in iko mobaḻídon bangusa inta mobarong!

PINOGIAPAN 6:24

Poigumon mako ki Tuhan momarakat bo moḷukad kon i monimu.

HAKIM MITA 6:16

“Mokomampubí in iko!” guman i Tuhan, “sin Akuoibí in motuḷung kon inimu. Mogampangmubí in monaḷow kon intau mita in Midian, tongábí naonda bo nonayow in iko kon intau tobatú.”

SAMUEL 1 17:37

Ki Tuhan ain noposaḷamat kon bobantung naa nongkon singa bo beruang, yo Siabí doman in moposaḷamat kon bobantung naa nongkon intau in Pilistin tatua.” Bo noguman in ki Saul kon inia, “Mopia, poigumon mako ki Tuhan motuḷung kon inimu.”

TAWARIKH 1 2:51

Ki Salma ki adínea nogindua in inta noposindog in kotá in Betlehem; bo ki Harep ki adínea inta nogintoḷu in inta noposindog in kotá in Bet-Gader.

MAZMUR 134:3

Igumon mako nongkon Sion barakatan in moiko i Tuhan, inta nomaḻí kon ḷangit bo butá!

YEREMIA 31:23

Ki Tuhan Inta Totok in mokawasa, Allah in Israel in noguman, “Aka umat-Ku binaḻí-Kudon ponango-nangoian ná dungkuḷmai, dá kon butá in Yohuda bo kon ḻipúnea mita yo kodongogandon bui intau in moguman, ‘Igumon mako ki Tuhan in momarakat kon tombuḷud motusi kon Yerusalem tampat pogutunan inta ain sinantú kon i-Nia.’