RUT 1:6 - Alkitab Singog In Mongondow Masa In Tanaa

⁶ Diá noonggot kon kinopatoian mako in buḷoi bo adínea inta doyowa tua kino dongogandon i Naomi kon ki Tuhan in nomarakatdon kon umat in Israel takin nobogoi in bungai in boyó inta mopia. Tuamai in ki Naomi bo mototakanea doyowa in nonoḻisídon sin monaḷámaidon kon Moab.

RUT 1:6 Referans Kwoze

MAZMUR 132:15

Bayongan in kaparaḷuannea in ogoi-Kubí kobayongon, intaunea mita inta nobogá in pokaanon-Kubí modapot in mobotug.

MAZMUR 111:5

Sia in nobogoi in rijiki kon intau inta motoguondok, bo inta umuran mokotorop kon dodandian-Nea.

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

IḶUAIAN 3:16

Bayá bo sipundon komintan in itoi mita Israel. Potaaudon kon i monia kon Akuoi, ki Tuhan, Allah in mogoguyang monia, Allah i Abraham, i Ishak bo i Yakub, aindon nokipogontong kon inimu. Potaau kon i monia kon Akuoi ain namangoi kon i monia bo ain nokoontong kon naonda in pinogogaid in bangusa Mesir kon i monia.

LUKAS 19:44

Rimumudon monia in iko takin intaumu mita inta nogutun kon naa; bo diábí in tobatúpamai in batu in pomayápa mako monia in moitudu motompia kon tampatnea. Sin diábí in kon ginamu mako in ki Allah in mamangoi moposaḷamat kon inimu!”

LUKAS 1:68

“Dinayo-dayowdon in ki Tuhan, ki Allah Israel! Sia ain notuḷung kon umat-Nea bo nonginggamá doman kon roriga monia.

MATIUS 6:11

Ogoiaidon kaanon in kami in singgai naa, inta tugat kon inami.

YEREMIA 29:10

Ki Tuhan in noguman, ‘Aka motompodon in wakutu pitu nopuḷú notaong kon Babel, yo bui-Ku in moiko indoian, bo mogintompod kon dandi-Ku modia kon i monimu mobui kon tampat tanaa.

YESAYA 55:10

Naonda bo uyan nongkon ḷangit, bo diá mobui monik, táe momuntadbí kon butá, mopoḷumbá bo mopobiag in pinomuḷa mita, mopomungai in inta pomuḷaan bui bo inta kaanon,

ZEPANYA 2:7

Intau in Yohuda inta mokoḷagui, in mogutunbí kon butámu tatua. Mosia in momiagbí kon bobiagon kon butá tatua, bo kon dodai in doḷom mosia in mosiugbí kon baḷoi mita in intau in Askelon. Sin ki Tuhan, Allah monia in moḷukadbí bui kon i monia bo mopobaḻí bui kon i monia motomoman.

MAZMUR 146:7

Sia in moduḷu kon hak in intau mita inta sinoko dorot, bo mobogoi in kaanon kon intau inta ginogoi. Ki Tuhan in mopoḷuai kon intau mita inta pinonjara,

MAZMUR 145:15

Bayongan inta nobiag in mongamangbí mako kon ini-Mu; Inogoian-Mu in mosia in kaanon kon wakutunea.

SAMUEL 1 2:21

Ki Hana in binarakatan i Allah, dá buipa nopononggadípa in sia in adí ḷoḷaki toḷu bo adí bobay doyowa. Ki Samuel in koitoi-koitoidon kon wakutu in sia mogundoimai kon i Allah.

KINOBAḺIAN 50:25

Bo ki Yusup nopoigum kon bayongan adí bo utatnea nongibot, kainia, “Podandidon kon inakó, kon aka ki Allah modiadon kon i monimu mayá in butá tatua, yo poyodiaan domandon monimu in tuḷanku mita.”

KINOBAḺIAN 48:15

Nopaḷut mako kon tua binarakatannea in ki Yusup, gumannea, “Ki Allah, Sia tuata in ki Tuhan, inta sinumba i Abraham bo i Ishak, Sia tuata inta nokapit kon inakó dapot in tanaa mako;

KINOBAḺIAN 28:20

Bo nongibotdon in ki Yakub, “Aka ki Tuhan motuḷung bo mogoḻiung kon inakó kon binayáan tanaa bo poḷat mobogoi kon inakó in kaanon bo pakeang

KINOBAḺIAN 21:1

Ki Tuhan nomarakat kon i Sara, ná inta ain pinodandi-Nea.

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.

TIMOTIUS 1 6:8

Dá, aka oyúonpa in kaanon bo pakeang yo mobaḻídon intua.

MAZMUR 147:14

Sia in noḷukad kon butámu sinbá umuran moaman, bo mopokaan in gandum inta totok in mopia kon inimu modapot in mobotug.

AMSAL 30:8

Dika modapot in akuoi mopoyaput in tosingogon mita inta motombogá bo uboḷ, bo dika pomayá mako in akuoi mobaḻí bogá andeka mooyúon. Tongádon ogoiai in akuoi in onu inta pakéonku.

RUT 1:5

ki adí i Naomi ḷoḷaki doyowa tatua, minatoi domandon, dá ki Naomi in kinopatoiandon i buḷoinea bo adínea doyowa.

RUT 1:7

Nobuat in mosia noyotakin mobui kon Yohuda. Kon yuak in daḷan

MAZMUR 102:14

Iko in simindogbí bo monotabi kon Sion, nodapotdon in wakutunea monotabi kon inia.

YOËL 2:19

Sia in notubag kon i monia nanaa, “Tanaa in moiko komintan in ogoian-Ku: in gandum, anggur bo ḷana in zaitun sin kaanon, sinbá moiko komintan in pobotugon. Diábí pomayá-Ku mako in singkuḻeon in moiko andeka kosingan in bangusa mita.