RUT 1:20 - Alkitab Singog In Mongondow Masa In Tanaa

²⁰ “Dika oiníon ki Naomi in akuoi,” guman i Naomi, “Oinídon in akuoi ki Mara, sin ki Allah Inta Totok in Mokawasa ain nopomayá mako kon inakó nobiag nopuḻing in paitnea.

RUT 1:20 Referans Kwoze

AYUB 6:4

Piot nongkon i Inta Totok in Mokawasa noiḷambai kon awakku; bisanea in noibaya-bayádon kon bayongan in putú bo awakku. Kotoyang i Allah totok in mokoondok, bo nondangat kon inakó naonda bo tontara in musung.

IBRANI 12:11

Totuubí kon wakutu in kita sambokon, diábí mosanang in gina naton, sedang bo monakitbí totok. Táe moiduduimai kon tua, kita inta sinambok, yo sambok tatua in momaḷuibí kon oaid naton, sahingga in kita nobiagdon podudui in ibog i Allah, bo bungainea kon tua in mosanangdon totok in gina naton.

YESAYA 38:13

Kino ouput in doḷom momaḷú in akuoi mogigon kon monakit, tuḷanku naonda bo butukon in singa tobatú; kon inakó kamai ki Allah monimpodon kon kobiaganku.

MAZMUR 88:15

O Tuhan, nongonu sin dinoí-Mubí in akuoi? Nongonu sin pinomiḷagui-Mubí in pogot-Mu kon inakó?

MAZMUR 73:14

Sin kinoouput in singgai akuoi koantugan in nahat; pomuḷoi in doḷo-doḷom akuoi rorigaan.

AYUB 19:6

Pokotaaudon kon akuoi naa in koyogot iroriga i Allah, bo dinomok kon bonu in poyogaḷap-Nea.

AYUB 5:17

Nomujurdon totok in iko aka ki Allah nonoboḷow kon inimu! Dika moyaat in gina aka torúan-Nea in iko.

AYUB 11:7

Umpaka dá kaadaan i Allah in kotaauanmu? Umpaka yo kawasa-Nea in komangaḻeanmu?

IḶUAIAN 6:3

Akuoi nomia doman kon dodandian takin i monia. Akuoi nodandi kon Akuoi in mobogoi kon butá in Kanaan kon i monia, butá tampat kinobiagan monia nobaḻí intau ango-angoi.

KINOBAḺIAN 43:14

Poigumon mako ki Allah Inta Totok in Mokawasa mopobaḻí kon i gubernur tatua motabi kon i monimu, dapot in moibogdon in sia mopobui mangoi kon i Benyamin bo kon i Simeon kon i monimu. Yo akuoi naa, aka mustibí kobuḻian i adíku mita, yo donaaidon mako aka tuabí in mobaḻí.”

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

WAHYU 21:22

Diábí inontongku in Baḷoi Allah kon bonu in kotá tatua, sin Baḷoi Allah in ki Tuhanbí tontaní, ki Allah inta totok mokawasa, bo Adí in Domba tatua.

WAHYU 1:8

“Akuoibí naa inta muna-munamai totok bo inta totok in pangabisan,” tua in singog i Tuhan Allah, ki Inta oyúon bo inta koyongandon oyúon, inta umuran oyúon bo Inta Totok Mokawasa.

IḶUAIAN 15:23

Bo nodapotdon in mosia kon tampat inta tangoinea Mara, táe tubig kon tua mopait totok, dá diá motaau inumon. Tuamai tampat tatua sinangoian Mara, mangaḻenea pait.

AYUB 9:18

Diábí pinomayá-Nea in akuoi mogina umpaka tongá motoyong; nodapot in pinopoumaan-Nea akuoi in inta mopait totok inta motoyang.