SURAT I PAULUS KON JAMAAT RUM 9:31 - Alkitab Singog In Mongondow Masa In Tanaa

³¹ Táe aka intau in Yahudi umuran moramuji dumudui kon hukum in agama sinbá motompia bui in hubungan monia takin i Allah. Táe diá in mosia mokodapot.

SURAT I PAULUS KON JAMAAT RUM 9:31 Referans Kwoze

SURAT I PAULUS KON JAMAAT RUM 11:7

Dá naonda degá? Intau in Israel diá nokouḻí kon onu inta sinayak monia. Tongábí topiḻik in intau mita inta ain piniḻí i Allah in nokouḻí. Intau mita ibanea aindon notogat in gina monia in mokodongog kon oiní i Allah.

SURAT I PAULUS KON JAMAAT RUM 3:20

Sin diábí in tobatúmai in motaau mopopiaan i Allah sin popisí in mosia ain nogaid kon soaḷ mita inta kon bonu in hukum agama Yahudi. Táe hukum tatua in tongábí moponiata kon intau tua in binaradosabí komintan.

PILIPI 3:6

Popisí in moḷoben totok in ibogku dumudui kon hukum in agama tatua, dá ḷongasionku pogutúon in jamaat. Aka nilaion podoyon kon hukum in agama Yahudi yo akuoi naa intaubí mopia bo motoindudui.

GALATIA 3:21

Aka natua yo noyoposi degá in hukum i Musa bo dandi i Allah? Tantú diábí! Sin aka kuma hukum i Musa mobogoi in kobiagan kon intau, dá intau in motaaubí moyodame i Allah bo inta dumodudui kon hukum i Musa tatua.

YESAYA 51:1

Ki Tuhan in noguman: “Indongogaidon in Akuoi, ei moiko inta moibog posaḷamaton bo angoi kon i-Nakó mopoigum in totuḷung. Toropdon in buḷud batu nongkon onda in moiko noikurig, bo pongongaḻian kon batu nongkon onda in moiko in kinaḻi.

SURAT I PAULUS KON JAMAAT RUM 3:27

Manangka intua diábí in dodoyonan naton dumodia. Nongonu sin natuabí? Popisí degá kita in dinumuduidon kon onu inta pinais kon hukum agama in Yahudi? Deemanbí! Táe popisíbí in kita mopirisaya.

SURAT I PAULUS KON JAMAAT RUM 10:20

Ki Nabi Yesaya nobarani doman in noguman bui nanaa, “Nanaa in pirman i Allah, ‘Intau inta diá motayak kon i-Nakó, ain nokodungkuḷ kon i-Nakó; bo Akuoi in nokipogontongdon kon i monia inta diá nopoḻibo-ḻibó kon soaḷ Akuoi.’ ”