SURAT I PAULUS KON JAMAAT RUM 9:30 - Alkitab Singog In Mongondow Masa In Tanaa

³⁰ Dá, nanaa in kasimpulannea: Bangusa mita ibanea inta deeman Yahudi in diábí moramuji konbá motompia bui in hubungan monia takin i Allah. Táe popisí in mosia mopirisaya, dá sinompiadon bui i Allah in hubungan monia takin-Nea.

SURAT I PAULUS KON JAMAAT RUM 9:30 Referans Kwoze

PILIPI 3:9

bo akuoi in totu-totuudon notobatú takin-Nea. Hubungan mopia takin i Allah in diábí nouḻíku sin popisí in dinumudui kon hukum in agama, táe tua in nouḻíkubí sin akuoi in nopirisayadon kon i Kristus. Dá tuamai hubungan mopia tua in namangoibí nongkon i Allah sin pinodoyon kon pirisaya kon i Kristus Yesus.

IBRANI 11:7

Popisí in nopirisaya, dá pinogumanandon i Allah in ki Nuh kon soaḷ mita inta mobaḻí kon singgai moiduduimai, inta diábí koontongannea. Ki Nuh in nopirisaya kon i Allah, dá inindongogannea in onu inta pinoguman i Allah kon inia. Pinomianea in kapaḷ inta kon singgai noiduduimai nobogoi in kasaḷamatan kon inia bo motoḷuadínea. Dunia naa i hukum i Allah, táe popisí in ki Nuh nopirisaya, dá pinoniatadon i Allah kon intaubí mopia in sia.

GALATIA 2:16

Umpaka natua yo kinotaauanbí nami kon diábí in tobatúmai intau in posaḷamaton i Allah sin dinumudui kon hukum i Musa. Táe intau posaḷamatonbí sin pirisaya kon i Yesus Kristus. Tuamai kami tontaní in nopirisayadon kon i Yesus Kristus, sinbá kami in posaḷamaton doman, deemanbí posaḷamaton sin dinumudui kon onu inta kon hukum i Musa.

SURAT I PAULUS KON JAMAAT RUM 4:11

Sia in sinunat bambí noiduduimai, tongá sunatnea tatua in tongábí saḷaku tanda kon sia ain sinarima i Allah saḷaku intau inta mokosanang kon gina-Nea, popisí in mopirisaya kon i Allah. Sia in sinarima i Allah kon wakutu in diápa dinumudui kon atorang in sunat tatua. Bo ki Abraham in nobaḻí guyanga in bayongan intau inta mopirisaya kon i Allah, bo popisí intua, dá sia sinarimadon i Allah saḷaku intau inta mokosanang kon gina-Nea, umpakabí mosia in diá sinunat.

EPESUS 2:12

Kon wakutu intua moiko in diápa notobatú i Kristus, yo moiko nion intaubí mita mokokiangoi inta diá noitakin kon umat inta piniḻí i Allah. Bo moiko in diábí doman noibonu kon dodandian inta inaidan i Allah takin umat-Nea. Moiko in nobiag kon dunia naa takin diá koharapan bo diá doman in Allah.

GALATIA 5:5

Táe aka kon i nami, kami in tongábí moharap mako kon totabi i Allah sin pinodoyon kon pirisaya kon i Kristus, ki Allahbí in mobogoi in kasampatan mobiag moyodame bui takin-Nea.

SURAT I PAULUS KON JAMAAT RUM 10:20

Ki Nabi Yesaya nobarani doman in noguman bui nanaa, “Nanaa in pirman i Allah, ‘Intau inta diá motayak kon i-Nakó, ain nokodungkuḷ kon i-Nakó; bo Akuoi in nokipogontongdon kon i monia inta diá nopoḻibo-ḻibó kon soaḷ Akuoi.’ ”

SURAT I PAULUS KON JAMAAT RUM 10:6

Táe aka moyodame i Allah sin podoyon kon pirisaya, yo nanaa in pinais kon Buk Motusi, “Dikadon in iko mosingog kon bonu in ginamu, ki ine in momonik in soroga? (mangaḻenea modia kon i Kristus moponag),

SURAT I PAULUS KON JAMAAT RUM 9:14

Aka natua yo onu in singogon naton? Diá moadil degá in ki Allah? Ki Allah in moadilbí!

YESAYA 51:1

Ki Tuhan in noguman: “Indongogaidon in Akuoi, ei moiko inta moibog posaḷamaton bo angoi kon i-Nakó mopoigum in totuḷung. Toropdon in buḷud batu nongkon onda in moiko noikurig, bo pongongaḻian kon batu nongkon onda in moiko in kinaḻi.

PETRUS 1 4:3

Sin nobayongdon totok in wakutu inta pinaké monimu nogaid kon onu inta kinoibog in intau mita inta diá nonotaau kon i Tuhan. Diá mopia in kobobiag monimu. Moiko in dinumudui kon ibog in awak, monginum dapot in moḷoḷangu, umuran mogaid kon rame inta diá in baragunanea, monginum moyotakin bo mosumba kon berhala inta ilarang i Tuhan.

TIMOTIUS 1 6:11

Táe iko inta ain piniḻí i Allah, mokopoyayúdon kon tua komintan. Tayakdon in onu inta mopia kon tayowon i Tuhan, aidai in onu inta moitutui, posambayang bo mokopotantú kon pirisaya kon i Kristus, kotabibí in tumpaḷa intau, mobalajar mosabar bo aidai in onu inta mokosanang kon gina in intau.

GALATIA 3:24

Dá hukum i Musa in nobaḻí moḷoḷukad kon i naton modapot in ki Kristus namangoi, sinbá kita in posaḷamaton i Allah sin kita in nopirisaya kon i Kristus.

GALATIA 3:8

Bo kon Buk Motusi aindon pinais muna kon ki Allah in moposaḷamatbí kon intau mita inta deeman Yahudi, sin pirisaya monia kon i-Nia. Habar Mopia tatua aindon pinotaau muna kon i Abraham, tua inta mangaḻe in singog tanaa, “Barakat i Allah kon bayongan intau kon dunia naa in moponag mongin inimu.”

SURAT I PAULUS KON JAMAAT RUM 10:10

Sin takin ginanea, intau in mopirisaya, dá tarimaan i Allah in Sia saḷaku intau inta ain noyodame takin-Nea. Bo bibig in pinakénea nongaku sahingga pinosaḷamat in Sia.

SURAT I PAULUS KON JAMAAT RUM 9:31

Táe aka intau in Yahudi umuran moramuji dumudui kon hukum in agama sinbá motompia bui in hubungan monia takin i Allah. Táe diá in mosia mokodapot.

SURAT I PAULUS KON JAMAAT RUM 5:1

Tanaa kita in noyodamedon bui takin i Allah, sin kita in mopirisaya. Tuamai in koḻigai bá mobiag in kita kon bonu in dodamean takin i Allah inta podoyon kon pirisaya naton kon i Tuhan naton ki Yesus Kristus.

SURAT I PAULUS KON JAMAAT RUM 4:22

Tuamai in sinarima i Allah in sia saḷaku intau inta mokosanang kon gina-Nea.

SURAT I PAULUS KON JAMAAT RUM 4:13

Ki Allah ain nodandi kon i Abraham bo buínea kon dunia naa in mobaḻíbí kapunyaan i Abraham. Dandi tatua in deemanbí pinodoyon kon kotoindudui i Abraham kon hukum in agama Yahudi, táe popisíbí in sia mopirisaya kon i Allah, dá sinarima i Allah in sia saḷaku intau inta mokosanang kon gina-Nea.

SURAT I PAULUS KON JAMAAT RUM 4:9

Degá singog ḷunganga tanaa in tongá pinomakusud kon intau mita inta ain sinunat andeka degá kon i monia doman inta diá sinunat? Sin munadon pinogumanku, kon ki Abraham in sinarima i Allah saḷaku intau inta mokosanang kon gina-Nea, deemanbí popisí in oaidnea, táe popisíbí in pirisayanea kon i Allah.

SURAT I PAULUS KON JAMAAT RUM 3:5

Táe aka koadilan i Allah moniatadon totok, popisí in kita nogaid kon inta diá totuu, yo onu in singogon naton? Degá diá moadil aka ki Allah mohukum kon i naton? (Ḷoḻibó tanaa in mopiabí saḷaku intau.)

AMSAL 21:21

Ki ine in umuran mopobayá in inta moadil bo totabian, yo mokouḻíbí kon kobiagan motompia, kahoromatan bo umur moḷanggó.

AMSAL 15:9

Ki Tuhan in doíbí kon kobobiag in intau moraat, táe Sia in motabibí kon intau inta moḷongasi mogaid kon onu inta kinoibog-Nea.