SURAT I PAULUS KON JAMAAT RUM 9:14 - Alkitab Singog In Mongondow Masa In Tanaa

¹⁴ Aka natua yo onu in singogon naton? Diá moadil degá in ki Allah? Ki Allah in moadilbí!

SURAT I PAULUS KON JAMAAT RUM 9:14 Referans Kwoze

TAWARIKH 2 19:7

Moiko in mustibí motoguondok kon i Tuhan, bo mokopopia in mopobayá, sin ki Tuhan Allah naton in doíbí kon intau mita inta diá moadil, inta mobogat kon toḷosi andeka inta motarima kon bogoi pomompon kon bibig.”

MAZMUR 145:17

Ki Tuhan in moadil kon bayongan onu in oaidan-Nea bo nopuḻing in tabi kon bayongan in aid-Nea.

ULANGAN 32:4

Ki Tuhan in mododuḷumu inta moroton, oaidan-Nea in motonggimok, bo bayongan daḷan-Nea in motuḻid. Ki Allahmu in mosatia, diábí in tombogá kon i-Nia, Sia in nogaid kon onu inta mopia bo totuu.

WAHYU 16:7

Bo dinongogku in singog nongkon meja pototuduan kon sosumba in noguman, “Tuhan, Allah inta Totok in Mokawasa, mobanar bo moadilbí in hukuman mita inta pinoḷabú-Mu!”

MAZMUR 92:15

pangkoi in kayu inta tantúpa nomungai umpaka nogurangdon, umuran noḷunow bo notompia.

AYUB 8:3

Ki Allah in diábí kon dodai in onda in momelung kon koadilan; diábí kon dodai in onda in diá mokoposindog kon inta mobanar.

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

SURAT I PAULUS KON JAMAAT RUM 3:1

Aka natua, yo onu in kauntungannea in mobaḻí intau in Yahudi? Bo onu in baragunanea in dumudui kon atorang in sunat?

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

YEREMIA 12:1

“Aka diaanku in pelekaraku kon tayowon-Mu, o Tuhan, yo notantú bidon kon moniatabí kon Ikobí in noitutui. Táe moibogbí doman in akuoi in moḻibó kon inta moadil kon ini-Mu: Nongonu sin intau moraat in mobiagbí mooyúon? Nongonu sin intaubí inta diá motuḻid in mokodapot kon inta koibog monia?

LUKAS 20:16

Notantú bidon kon mamangoi in sia moḻimod kon mototomoyó mita tatua, bo gobá tatua in potomoyóneadon kon mototomoyó ibanea.” Nokodongogmai kon tua, intau mita in noguman kon i Yesus nanaa, “Poyayúdon kaasí.”

SURAT I PAULUS KON JAMAAT RUM 2:11

Sin diábí poyoposion i Allah in bayongan intau.

SURAT I PAULUS KON JAMAAT RUM 9:30

Dá, nanaa in kasimpulannea: Bangusa mita ibanea inta deeman Yahudi in diábí moramuji konbá motompia bui in hubungan monia takin i Allah. Táe popisí in mosia mopirisaya, dá sinompiadon bui i Allah in hubungan monia takin-Nea.