SURAT I PAULUS KON JAMAAT RUM 8:5 - Alkitab Singog In Mongondow Masa In Tanaa

⁵ Intau mita inta nobiag podudui in tabiat intau, umuran morai kon onu inta kinoibog in awak naa. Táe intau mita inta nobiag podudui ibog in Roho i Allah, umuran morai kon onu inta kinoibog in Roho i Allah.

SURAT I PAULUS KON JAMAAT RUM 8:5 Referans Kwoze

KORINTUS 1 2:14

Intau inta diá kinawasa in Roho i Allah, doíbí mopirisaya kon onu inta ain inaidan in Roho i Allah tatua. Diábí komangaḻean monia intua komintan, koḻikudbí in aka mopirisaya in mosia kon i Allah.

YOHANES 3:6

Aka awak naa pinolahirbí in guyanga, táe aka secara rohani yo pinolahirbí in Roho i Allah.

SURAT I PAULUS KON JAMAAT RUM 8:9

Táe moiko in diábí nobiag podudui in ibog in awak naa, moiko in nobiagbí podudui in ibog in Roho i Allah, aka totuu Rohodon i Allah in nongawasa kon i monimu. Táe aka kon intau tatua bo diá in Roho i Kristus, yo sia tua in deemanbí kapunyaan i Kristus.

MARKUS 8:33

Táe ki Yesus nobobui bo inimindoi kon murí-Nea mita bo nonogur bui kon i Petrus, “Bayádon nongkon naa, ei mogogoda! Raianmu nion in raianbí in intau, deemanbí raian i Allah!”

KORINTUS 2 10:3

Totuubí kon kami in nobiagpabí kon dunia naa, táe kami in diábí moramuji sinbá mokouḻí kon kaoyúonan in dunia naa.

PETRUS 2 2:10

torutama intau mita inta tantú dinumudui kon ibog in awak monia inta mokotor bo inta moningkuḻe kon kawasa i Allah. Ná domai tua in kobobarani monia bo koḷoḷatú in intau mita inta mongaku guru mita tatua, sahingga in diábí moondo-ondok in mosia moningkuḻe kon mahaḷuk mita in soroga inta momulia!

EPESUS 5:9

Sin nongkon bayag tuata momuká in bayongan oaid inta mopia, motuḻid bo mobiag totu-totuu kon tayowon i Allah.

KORINTUS 1 15:48

Intau mita kon dunia naa in naonda bo ki Adam inta muna, inta pinomia nongkon ḷobud in butá, táe intau mita in soroga naonda bo Sia inta namangoi nongkon soroga.

GALATIA 5:17

Sin onu inta kinoibog in intau noyoposibí in kinoibog i Allah, andeka nanaa, inta kinoibog i Allah in noyoposibí inta kinoibog in intau naa, tuamai in moiko diá motaau in mogaid kon onu inta koibog monimu.