SURAT I PAULUS KON JAMAAT RUM 7:12 - Alkitab Singog In Mongondow Masa In Tanaa

¹² Hukum agama tua in nongkon i Allahbí, bo pomuḷoi in parenta kon bonu in hukum tatua namangoibí nongkon i Allah, manangka intua moadilbí bo mopia.

SURAT I PAULUS KON JAMAAT RUM 7:12 Referans Kwoze

TIMOTIUS 1 1:8

Kinotaauan bidon naton kon hukum i Musa tua in mopirabí aka aidan podudui kon onu inta sinundú.

MAZMUR 119:137

Iko in moadil, o Tuhan, bayongan in hukum-Mu in noitongkaná.

SURAT I PAULUS KON JAMAAT RUM 7:14

Kinotaauanbí naton kon hukum in agama Yahudi tua in nongkon Rohobí i Allah; táe akuoi in tongábí intau ilo-ilow. Akuoi ain pinotaḷui mobaḻí ki ata in dosa.

MAZMUR 119:172

Akuoi in moibog mopodondong soaḷ dandi-Mu, sin bayongan in parenta-Mu in moadil.

SURAT I PAULUS KON JAMAAT RUM 3:31

Yo motaau degá in singogon kon popisí in kita bo mopirisaya kon i Kristus, dá musti ḷumbúondon in hukum agama Yahudi tatua? Diábí motaau in mosingog natua! Justru popisí in oyúondon in pirisaya naton tatua, dá musti horomaton naton in hukum tatua.

NEHEMIA 9:13

Nongkon ḷangit noponag in Iko kon tudu in Buḷud in Sinai, bo nongonguman in Iko takin umat-Mu tontaní. Inogoian-Mu in hukum, atorang bo parenta inta moadil, mobanar bo oyúon in mangaḻenea.

ULANGAN 10:12

“Tanaa, Utat mita, poḻimbonu kon gina onu in kinoibog i Tuhan Allahmu aidan monimu: Horomatbí in ki Tuhan Allahmu bo aidaidon in bayongan parenta-Nea. Kotabibí in Sia bo pooibada kon i-Nia takin kotompodon in gina bo ropotmu.

ULANGAN 4:8

Bo bangusabí moḷoben táonda in oyúon hukum mita inta námai tua in kooadil ná hukum mita inta sinundúku kon i monimu singgai naa?

MAZMUR 119:140

Dandi-Mu in motorindog bo motaau pirisayaan, totok in moibog in akuoi intua.

MAZMUR 119:127

Parenta-Mu mita in kinoibogku totok noiḻiu kon buḷawan taakan.

MAZMUR 119:38

Popogonúdon totok kon mogogundoi-Mu naa in dandi-Mu, inta ogoi-Mu kon intau inta motoḷutui kon ini-Mu.

SURAT I PAULUS KON JAMAAT RUM 12:2

Donaai in moiko dumudui kon ibog in dunia naa. Pomayádon mako in ki Allah in monoimbagu kon i monimu, sinbá mobaḷui in moiko. Sahingga in kotaauandon monimu onu kinoibog i Allah, tuata inta mopia bo inta mokosanang kon gina-Nea bo inta mosompurna.

SURAT I PAULUS KON JAMAAT RUM 7:16

Dá aka akuoi bo mogaid kon onu inta kinodoíku tua, yo tua in mangaḻenea, akúonkubí kon hukum agama Yahudi in mopiabí.

MAZMUR 119:86

Bayongan in hukum-Mu in motaaubí pongata, tuḷungaipa kaasí in akuoi, sin akuoi in dinuduran táe diábí in kinodoyonan pinonduduran.