SURAT I PAULUS KON JAMAAT RUM 6:5 - Alkitab Singog In Mongondow Masa In Tanaa

⁵ Aka kita bo ain notobatú i Kristus sin kita ain noyotakin-Nea minatoi, dá kita in motobatúbí doman takin-Nea sin kita in moitakin biagon ná Sia.

SURAT I PAULUS KON JAMAAT RUM 6:5 Referans Kwoze

KOLOSE 2:12

Sin kon wakutu in moiko binaptis, moiko in iḷobongdon noyotakin i Kristus; bo takin doman baptisan tatua, moiko in noitakin doman biagon bui moyotakin i Kristus popisí in moiko mopirisaya kon kawasa i Allah inta ain nomiag kon i Kristus nongkon kinopatoian.

KORINTUS 2 4:10

Tantúdon kinorasaan nami in popatoi inta kinorasaan i Yesus, sinbá kobobiag-Nea moniatadon doman kon awak nami.

KOLOSE 3:1

Moiko ain bidon biniag bui noyotakin i Kristus. Tuamai poramujidon in moiko mokouḻí kon soaḷ mita inta kon soroga, kon tampat kon onda in ki Kristus nomarenta noyotakin i Allah.

MATIUS 15:13

Tubag i Yesus, “Pomuḷoi in pinomuḷa inta deeman ki Amá-Ku in nomuḷa, yo musti rabuton takin uakatnea mita.

YEREMIA 2:21

Iko in pinomuḷa-Ku naonda bo pangkoi in anggur inta piniḻí-Ku nongkon batoḷ inta totok in mopia. Táe tanaa nobaḷuidon in iko, nobaḻídon pinomuḷa ḷoḷog bo diádon in baragunanea.

YESAYA 5:2

Sia in nomasoḷ kon butánea bo moḷumbú kon batunea mita. Pinomuḷanea in anggur inta notompiḻí pinosindognea in ḷangkeang poḷoḷukadan. Pinongaḻiannea kon bubú tobatú pomomugutan kon anggurnea, bo nogoḷat in sia kon bungainea moḷutú, táe nomungai in sia in bungai in anggur inta noirat.

MAZMUR 92:13

Intau motuḻid in monubu naonda bo pangkoi in kurma, bo mobiag moḷumbá naonda bo pangkoi in ḷokuyú in Libanon.

YOHANES 12:24

Naadon in poguman-Ku kon i monimu: Aka batoḷ in gandum diá ḷobongon kon butá bo matoi, yo sia in tongábí umuran tougat. Táe aka batoḷ in gandum tatua matoi, bain tuata bo sia in mopomungai in gandum mobayong.