SURAT I PAULUS KON JAMAAT RUM 5:13 - Alkitab Singog In Mongondow Masa In Tanaa

¹³ Sin wakutu in hukum in agama Yahudi naa diápa, dosa in koyongan bidon oyúon kon dunia naa. Táe diápabí irekengmai sin diápa in hukum i Musa.

SURAT I PAULUS KON JAMAAT RUM 5:13 Referans Kwoze

SURAT I PAULUS KON JAMAAT RUM 4:15

Hukum agama in Yahudi naa in mokopoangoi kon hukuman i Allah. Táe aka diá in hukum tatua, yo diábí doman in moḷawang.

KORINTUS 1 15:56

Bisa in popatoi tuata in dosa, bo dosa nopobayá in oaidannea mongin hukum in agama.

YOHANES 1 3:4

Intau inta nogaid kon dosa, noḷawangbí kon hukum i Allah; sin dosa tua in aidbí moḷawang kon hukum i Allah.

KINOBAḺIAN 38:10

Gogutúnea tatua nokopomuká kon torú i Tuhan, bo ki Tuhan nomatoi doman kon inia.

KINOBAḺIAN 38:7

Gogutú i Er moraat totok, dá ki Tuhan sinumorú bo nomatoi kon inia.

KINOBAḺIAN 19:32

Koḻigai bá poinumon naton in anggur ki amá dapot in moḷoḷangu, bodongka kita mosiug takinnea sinbá kita mokouḻípa kon adí.”

KINOBAḺIAN 19:4

Táe kon wakutu in mokokiangoi mita tatua mayádon mosiug, intau mita in Sodom namangoi nonubu kon baḷoi tatua. Bayongan in intau ḷoḷaki kon kotá tatua, pinomayá inta ain nogurang ande inta batáneapa, namangoibí komintan kon tua in mosia.

KINOBAḺIAN 18:20

Nopaḷut mako kon tua ki Tuhan noguman kon i Abraham, “Nobarong in pinoyaput in soaḷ mokobogat kon Sodom bo Gomora, bo totuu kon dosa monia tua totok moḷoben.

KINOBAḺIAN 13:13

Kotá in Sodom tua pinogutunan in intau mita inta totuu mongoraat bo totok in binaradosa kon tayowon i Tuhan.

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

KINOBAḺIAN 6:11

Táe bayongan intau ibanea komintandon moraat inontong i Allah, bo kobobiag inta moromú nobaḻídon kon bayongan in tampat.

YOHANES 1 3:14

Kinotaauandon naton kon kita iḷumuaidon nongkon kawasa in popatoi, bo nomampingdon kon bonu in kawasa inta mokobiag, sin lantaran kita notabidon kon i utat mita naton. Sin ki ine in diá motabi kon i utatnea, yo sia tua in tantúpa nobiag kon bonu in kawasa in popatoi.

KINOBAḺIAN 19:36

Bo sidiadon in ki adí i Lot doyowa tatua sin oaid i amá monia tontaní.

SURAT I PAULUS KON JAMAAT RUM 3:20

Sin diábí in tobatúmai in motaau mopopiaan i Allah sin popisí in mosia ain nogaid kon soaḷ mita inta kon bonu in hukum agama Yahudi. Táe hukum tatua in tongábí moponiata kon intau tua in binaradosabí komintan.