SURAT I PAULUS KON JAMAAT RUM 2:29 - Alkitab Singog In Mongondow Masa In Tanaa

²⁹ Sin nanaabí, intau inta totokanea in Yahudi in intaubí inta ginanea totu-totuubí jiwa intau Yahudi. Ná doman tua, sunat inta totokanea in sunatbí kon gina inta pinomia in Roho i Allah, deemanbí inta pinais kon bonu in buk. Bo intau natua in dayowon i Allah, deemanbí dayowon in intau.

SURAT I PAULUS KON JAMAAT RUM 2:29 Referans Kwoze

ULANGAN 30:6

Moiko bo buímu in ogoiandon in gina inta motoindudui, dá moiko in motabidon kon i Tuhan Allahmu takin ḻimbatú in ginamu sinbá umurandon mogutun kon butá tatua.

PILIPI 3:3

Bokaka kitabí naa in intau mita inta notarima kon sunat nongkon i Allah. Kitabí naa in intau inta ain dinia i Allah sin mosumba kon i-Nia, bo umuran mosukur mako in kita sin notobatúdon i Kristus Yesus. Diá bidon in kita moitogot mako kon upacara inta sipatnea in tongábí samantara.

ULANGAN 10:16

Dá pinangkoi kon tanaa mako moiko in musti motoindudui kon i Tuhan bo dikadon bui mokopotontogat kon gina.

YEREMIA 4:4

Kadaiai in dandimu kon i-Nakó, Tuhanmu, bo awakmu in tongádon ogoi kon i-Nakó, ei intau mita in Yohuda bo Yerusalem. Aka diá, yo torú-Ku in tumagabdon bo momokak naonda bo tuḷú inta diábí kopiongan i inekabí. Tua komintan in moiumabí kon inimu popisí in aidmu mita inta moraat.”

TESALONIKA 1 2:4

Deemanbí natua! Kami in diábí mosingog sin moposanang kon gina in intau, táe moposanangbí in gina i Allah inta umuran noguji kon gina nami. Sin inanggap-Nea kon kami naa in motaaubí mopotaa-taau mako in Habar Mopia tatua.

PETRUS 1 3:4

Táe, ḷambáaibí bonu in gina monimu in ḷambá inta diá mogogu-goguyaat, tuata in budi inta mopia bo moonow in raian. Tuabí in ḷambá moḷunat inta kinoibog i Allah.

KORINTUS 1 4:5

Popisí in deemanpabí wakutunea dá dika ḻimika-ḻikat in mohakim kon intau, kotaḷá andeka diá. Oḷatdon dapot moiangoi in ki Tuhan. Bambí Sia in mobuká kon onu inta nongoibuni kon sindip bo mobuká kon onu inta kon bonu in gina mita in intau. Bain kon wakutu in tuata bo duíon i Allah in intau mita podudui in oaid mita monia.

KORINTUS 2 10:18

Sin deemanbí intau inta dinumuí tontaní in mokotahang kon totungkuḷ, táe intaubí inta dinuí i Tuhan.

SURAT I PAULUS KON JAMAAT RUM 7:6

Táe tanaa in kita in diádon noitogot kon hukum in agama Yahudi. Kita ain bidon minatoi kon hukum inta koḻipod nongawasa kon i naton. Kita in diá bidon mobantung ná aid tungkuḷ intua, inta pinodudui kon hukum inta pinais. Táe tanaa kita in mobantungbí podudui in aid mobagu inta sinundú in Roho i Allah kon i naton.

SURAT I PAULUS KON JAMAAT RUM 2:27

Bo intau inta diá sinunat tua in mopotaḷá kon i monimu intau in Yahudi, sin oyúondon in hukum agama monimu bo sinunat domandon in moiko, táe moiko tontaní in doíbí dumudui kon hukum tatua. Mosia tua in diábí sinunat táe totu-totuubí dinumudui kon hukum in agama Yahudi.

KORINTUS 2 3:6

Bo Siabí doman tua in nobogoi in komampuan kon inami nobaḻí mogogaid mita kon oaidan i Allah kon tobatú dodandian nobagu; dodandian inta noyotogot in Roho i Allah, táe deemanbí kon hukum inta pinais. Sin hukum inta pinais tua in modiabí kon popatoi, táe aka Roho i Allah yo mobogoibí in kobiagan.

YOHANES 12:43

Sin mosia in moibo-ibogbí in kahoromatan intau dika in kahoromatan i Allah.

YOHANES 5:44

Naondabí in kopopirisaya monimu aka moiko tongábí motayak kompé dayowon in intau ibanea, diábí moramuji sinbá dayowon i Allah inta totobatú tua?

LUKAS 11:39

Tuamai ki Tuhan in nosingog kon i-Nia nanaa, “Moiko intau in Parisi totuubí kon aka palo bo pindan yo yuyúanbí monimu dotá in ḷuainea, táe bonu in gina monimu nopuḻing in raian inta diá mopia. Mongoraat bo mongotogat in gina in moiko.

YEREMIA 4:14

Yerusalem, ḷumbúdon in inta moraat nongkon ginamu sinbá posaḷamaton in iko. Modapot in toonu in raian mita moraat tatua in tagúonmu kon bonu in ginamu?

TAWARIKH 1 29:17

Kinotaauankubí kon Iko in monungkuḷ kon gina in intau kon batúannea bo kinoibog-Mu in intau inta motuḻid in ginanea. Takin gina nobayag bo pia in gina posumbaku in naa komintan kon ini-Mu. Akuoi in nokoontongdon tontaní kon naonda in umat-Mu inta noyosipun kon naa nodia kon sosumba monia kon ini-Mu takin pia in gina.

SURAT I PAULUS KON JAMAAT RUM 14:17

Sin aka ki Allah in momarenta kon kobiagan intau, yo soaḷ onu in motaau kaanon ande inumonnea, tua in diábí moponting. Inta moponting in soaḷbí intau inta dumudui kon onu in kinoibog i Allah in mokorasabí kon moonow in gina bo motarima kon kasanangan gina inta inogoi in Roho i Allah, tua in moponting.

SAMUEL 1 16:7

Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”

YOHANES 4:23

Táe moiangoibí in wakutunea, sedang bo noiangoi bidon, takin in kawasa in Roho i Allah intau mita in mosumba kon i Amá inta mobanar ná inta kinoibog i Amá.

LUKAS 17:21

dá intau in moguman nanaa, ‘Indoiaika, sia in naa!’ andeka, ‘Kon tua in dia!’ Sin ki Allah in nomangkoidon nomarenta kon yua-yuak monimu.”

MAZMUR 45:13

Intau in Tirus in nodia kon sosumba kon inimu; intau nooyúon moḷongasi mogamá kon ginamu.

YEREMIA 9:25

Ki Tuhan in noguman, “Moiangoibí in wakutunea Akuoi mohukum kon intau in Mesir, Yohuda, Edom, Amon, Moab, bo intau inta nogutun kon padang gurun inta nonggonsing in buoknea kinopoḷok. Mosia komintan in sinoit ná intau in Israel, táe pinomayá mosia andeka bangusa in Israel in nomia naonda bo intau mita inta diá sinoit, popisí in mosia diá motoindudui kon dodandian inta sinomponuotan in toit tua.”

SURAT I PAULUS KON JAMAAT RUM 3:1

Aka natua, yo onu in kauntungannea in mobaḻí intau in Yahudi? Bo onu in baragunanea in dumudui kon atorang in sunat?

KORINTUS 1 7:19

Sin sinunat andeka diá, diábí moponting intua. Dumuduibí kon atorang mita i Allah in moponting.