SURAT I PAULUS KON JAMAAT RUM 16:2 - Alkitab Singog In Mongondow Masa In Tanaa

² Tarimadon in sia saḷaku tobatú umat i Tuhan. Mustibí natua in intau mita inta mopirisaya mositarimaan. Tuḷungai in sia aka oyúon in paraḷunea kon i monimu, sin sia tontaní ain notuḷung kon intau mobayong bo kon inakó doman.

SURAT I PAULUS KON JAMAAT RUM 16:2 Referans Kwoze

PILIPI 2:29

Dá tarimadon in sia takin pia in gina saḷaku utat inta tumpaḷa mopirisaya kon i Tuhan, donaaibí diá pandungonmai intau inta ná sia tua.

PILIPI 1:27

Dá tuamai naa in poigumonku, kobiagbí in moiko podudui in onu inta pinoigum kon bonu in Habar Mopia i Kristus, sinbá aka moiangoi in akuoi yo diá bo diá kodongogankudon, kon moiko in umuranbí notobatú kon gina bo raian in moramuji mogaid kon onu inta pinirisaya podudui in Habar Mopia nongkon i Allah.

YOHANES 2 1:10

Sin tuamai aka oyúon in intau mamangoi kon i monimu bo mopotaau in totundú inta diá sinundú i Kristus, yo dika ogoi in sia tumuot kon bonu in baḷoimu bo donaai doman mobogoi in salam kon inia.

PILEMON 1:17

Tuamai, lantaran akuoi inanggapdon i Utat saḷaku tumpaḷa Keresten, dá tarimadon bui in ki Onesimus ná pinototarima i Utat kon inakó.

PILEMON 1:12

Bo tanaa intau inta kino-tabiku tua in pinotabákudon bui mamangoi kon inimu.

TITUS 2:3

Tongginaai doman in guyanga mita bobay, sinbá oaid monia in moidudui kon aid in intau mita inta nonotaau kon i Allah. Tundú doman sinbá mosia in diá moibog moponapud in soaḷ mita inta diá totuu kon intau ibanea. Dika doman ogoi monginum kon oinumon inta mokoḷoḷangu. Mosia in musti motaau motundú kon inta mopia,

TIMOTIUS 2 1:18

Bo kinotaauanmu bidon totok wakutu in akuoi kon Epesus, mobayong totok in totuḷungnea kon inakó. Dá akuoi in tongá tantú mopoigum mako in doa sinbá ki Allah in umuran mobogoi in barakat bo totabi kon inia kon wakutu in singgai ponantúandon i Tuhan kon bayongan intau.

TIMOTIUS 1 2:10

Táe ḷambáanbí in oaid mita inta mopia, inta patus kon bobay mita inta moibada kon i Allah.

KOLOSE 4:10

Ki Aristarkhus inta noyotakinku kon bonu in ponjara nokipoyaput in salam kon i monimu. Ná doman tua in ki Markus inta pokuadíon i Barnabas. Soaḷ ki Markus naa, aindon pinongoyow kon i monimu kon tarimadon in sia aka mamangoi kon i monimu.

EPESUS 5:3

Moiko nion umat i Allah, tuamai in aid mita inta mokotor bo inta diá patus aidan, andeka ibog inta moiḻiu dika aidan kon sigad monimu sinbá diá in dodoyonan intau mita mopotaḷá kon i monimu.

SURAT I PAULUS KON JAMAAT RUM 16:23

Ki Gayus nopoyaput doman in salam kon i monimu. Akuoi in nongandupa kon baḷoinea, bo jamaat nami nongandupa doman noibada kon tua. Ki Erastus, tobatú itoi in mokokadai kon doit kon kotá nokipoyaput doman in salamnea kon i monimu. Ná doman tua in ki Kwartus, ki utat naton. [

SURAT I PAULUS KON JAMAAT RUM 16:9

Poyaputpa in horomatku kon i Urbanus, yobayat topogaidan naton sin kopontingan i Kristus. Bo horomatku doman kon i Stakhis inta kinotabiku.

SURAT I PAULUS KON JAMAAT RUM 16:6

Poyaputpa doman in salamku kon i Maria. Sia ain irumoriga totok in nogaid sin kopontingan monimu.

SURAT I PAULUS KON JAMAAT RUM 15:7

Manangka intua poigumonku kon i Utat mita, moiko in musti umuran mositarimaan takin sanang in gina, notongkai ná pinototarima i Kristus kon i naton sin mopomulia kon i Allah.

OUMAN IN RASUL MITA 9:41

Dá kinadaiandon i Petrus in ḻimanea bo pinosindog. Onda intua inoiníneadon in intau mita inta mopirisaya bo bayongan intau inta dongkadon boba-bobay kon tua, bo ki Dorkas inta ain nobiag bui pinosarakanneadon kon i monia.

OUMAN IN RASUL MITA 9:39

Ki Petrus in baḷú nonoinut bo minayá noyotakin monia. Naonda in noiyaputmai kon tua, dinia monia in sia noponik kon gopot inta pinogukatan kon mayat i Dorkas. Bayongan in intau inta dongkadon boba-bobay komintan namangoi sinimindog kon diug i Petrus poḷat nongombaḷ bo mopoontong doman in ḷambung inta inaidan mita i Dorkas wakutu in nobiagpa.

OUMAN IN RASUL MITA 9:36

Kon ḻipú tatua oyúon doman in bobay, tangoinea in ki Tabita. Sia in tobatú intau inta mopirisaya kon i Yesus. (Aka kon Yunani, ki Dorkas in tangoinea.) Sia in umuran mogaid kon inta mopia bo umuran moibog motuḷung kon intau mita inta nobiag nobogá.

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’

OUMAN IN RASUL MITA 9:13

Ki Ananias in noguman, “Tuhan, aindon dinongogku kon bayongan intau, kon nobayongdon totok intau in pinogutú bo iḻimod in intau tatua kon Yerusalem, intau mita inta mopirisaya kon i Tuhan Yesus.

OUMAN IN RASUL MITA 9:15

Táe ki Tuhan in noguman kon i Ananias, “Bayádon! Sin sia tua ain bidon piniḻí-Ku mobantung kon i-Nakó mopotaa-taau mako in Habar Mopia soaḷ Akuoi kon bangusa mita ibanea inta deeman intau in Yahudi bo kon datu mita bo kon intau mita in Israel.

SURAT I PAULUS KON JAMAAT RUM 16:15

Salam doman kon i Pilologus bo kon i Yulia; kon i Nereus bo kon i bobaynea; kon i Olimpas bo kon bayongan intau mopirisaya inta noyotakin monia.