SURAT I PAULUS KON JAMAAT RUM 16:17 - Alkitab Singog In Mongondow Masa In Tanaa

¹⁷ Utatku mita! Indongogaipa in tongginaku tanaa: Mokopoingatdon kon intau mita inta moibog moropatoi kon jamaat bo inta mopotombauk in pirisaya intau kon i Tuhan. Sin soaḷ tatua in noyoposibí in inta ain sinundú kon i monimu. Dikadon moyobayat in intau mita natua!

SURAT I PAULUS KON JAMAAT RUM 16:17 Referans Kwoze

YUDAS 1:19

Mosiadon naa in intau mita inta mokopomuká kon kogoguyaatan in pinonobatúan jamaat. Mosia in diá kinawasaan in Roho i Allah, táe kinawasaandon in ibog mita in dunia naa.

TESALONIKA 2 3:6

Utatku mita, podoyon kon tangoi i Tuhan Yesus Kristus, kami in moguman kon i monimu sinbá moiko in umuran mokopoyayú kon i monia inta maḷat bo doí dumudui kon onu inta sinundú mita nami kon i monia.

TIMOTIUS 2 3:5

Koontongan in mosia morajing moibada, táe onu inta pinoguman kon bonu in agama diábí duduian monia. Manangka intua dikabí dimiug kon i monia tua.

KOLOSE 2:8

Mustibí mokopoingat in moiko, dikabí modapot in oyúon in mokodondouḷug kon i monimu takin raian mita inta tongá pinodoyon kon pandoi in intau inta diá in baragunanea, táe tongá mokopoyaying kon pirisaya. Raian mita tatua in deemanbí nongkon i Kristus, táe tongábí nongkon raian in intau bo nongkon roho mita inta nongawasa kon dunia.

TITUS 3:10

Intau inta mokopopisí kon ropatoi kon jamaat in musti tongginaai komintan ande kodua; aka doí in sia mokidongog yo dikadon moyobayatnea.

GALATIA 2:4

umpakabí oyúon intau in totok momakisa kon inia. Mosia tua in intau mita inta umuran kumapog kon i naton bo mongaku kon mosia in ki utat naton. Mosia tua in umuni-uni mako monarukira kon onukabí in aidan naton saḷaku intau inta ain notobatú takin i Kristus Yesus. Ibogon monia in kita mobui kon kaadaan naton koḻipod saḷaku ki ata monia,

TIMOTIUS 1 1:3

Wakutu in akúon mayádon in Makedonia, pinakisakudon in iko sinbá umuranpa mogutun kon Epesus. Kon tua iko in mayá mononggina kon intau mita inta motundúmai kon soaḷ mita inta nongoitaḷá, sinbá gogaiandon monia in aid mita ná tatua.

PILIPI 3:17

Utat mita! Duduiai in onu inta ain inaidanku bo tarukira in mosia inta nobiag naonda bo kami inta ain nobaḻí dodayanan kon i monimu.

MATIUS 18:7

Totuu kon mobodito in dunia naa popisí in totundú inta mokopopisí kon intau mita baradosaan. Memang oyúonbí in wakutu pogaidan kon mokobaradosa kon intau, táe moboditodon in intau inta mogaid kon tua!

KORINTUS 1 3:3

sin moiko tantúpabí doman dinumudui kon tabiatmu saḷaku intau. Sin aka oyúonpa doman in ointoian bo yogenggeng kon sigad monimu, yo mangaḻenea kon tua moiko in dumuduipabí kon tabiat in intau, ná intau inta diá nonotaau kon i Allah.

OUMAN IN RASUL MITA 15:24

Aindon dinongog nami kon oyúondon in intau nongkon sigad nami in namangoi kon i monimu bo mongacau poḷat mopoyaying in pirisaya monimu. Bokaka mosia tua in diábí pinotabá nami.

YOHANES 1 2:19

Saturu mita i Kristus tua in intaubí mita inta nonaḷámaidon kon i naton naa, lantaran mosia tua in deemanbí totuu intau naton. Aka mosia intau mita naton, tantú mosia in umuranbí noyotakin naton. Natuabí sinbá motarangdon kon i naton kon mosia tua in diábí totu-totuu moibog mopirisaya kon i Tuhan moyotakin naton.

MATIUS 18:17

Aka sia bo doípa doman mokidongog kon tonggina monia tatua, yo poyaputdon intua komintan kon jamaat. Bo anggapdon in sia naonda bo intau inta diá nonotaau kon i Allah andeka naonda bo intau inta mononagi kon pajak.”

KORINTUS 1 11:18

Sin ain dinongogku, kon aka aindon moyosipun in moiko mosambayang saḷaku jamaat, yo tantúpabí doman oyúon in bobayowan kon sigad monimu. Bo iraiku kon totuubí in habar tanaa.

LUKAS 17:1

Ki Yesus in noguman kon murí-Nea mita, “Soaḷ mita inta mokopopisí kon intau mogaid kon dosa in pastibí kon oyúon. Táe moboditobí in intau inta mokopopisí tatua!

MATIUS 7:15

“Mokopoingatdon kon nabi mita inta diá totuu. Nabi inta mamangoi kon inimu naonda bo intau inta mongopia, táe sabanarnea mosia tua intau bí moromú.