SURAT I PAULUS KON JAMAAT RUM 16:13 - Alkitab Singog In Mongondow Masa In Tanaa

¹³ Salam kon i Rupus bo kon i inánea inta inanggapkudon ná ki ináku tontaní. Ki Rupus tua in intau inta ain piniḻí i Tuhan bo mopia doman in oaidnea.

SURAT I PAULUS KON JAMAAT RUM 16:13 Referans Kwoze

YOHANES 2 1:1

Kon i Iná inta ain piniḻí i Allah bo kon i adínea mita inta kinotabiku. Surat tanaa in nongkon inakó, tobatú itoi in jamaat inta totu-totuu motabi kon i monimu. Deemanbí tongá akuoi in motabi kon i monimu, táe bayonganbí doman intau inta totu-totuudon nonotaau kon i Allah.

TIMOTIUS 1 5:2

Aka guyanga mita bobay dá pomia doman in mosia ná ki inámu tontaní. Natua doman in mongodeaga mita, pomia doman ná ki ai-aimu tontaní bo kotuḻidbí in gina.

MARKUS 15:21

Kon daḷan mosia noyodungkuḷ in intau. (Ki Simon in tangoinea, – nongkon Kirene – ki amá i Aleksander bo i Rupus.) Noitongkanábí in sia nongkon ḻipú bo mopobayá in kotá. Intau tatua pinakisa monia pinoki potaanan in kayu pinoyotaḻempang inta popopakúan kon i Yesus.

YOHANES 15:16

Deemanbí moiko in nomiḻí kon i-Nakó. Akuoibí in nomiḻí kon i monimu, bo nopotabá kon i monimu mayá sinbá modiamai kon bungai mobayong, bungai mita inta diá moyopú. Dá ogoibí i Amá in onukabí inigum monimu inta pinodoyon kon tangoi-Ku.

TESALONIKA 2 2:13

Utatku mita inta kinotabi i Tuhan! Kami in musti umuran mopoyaput in sukur kon i Allah popisí in moiko, sin nongkon pinomangkoianpabímai piniḻídon i Allah in moiko sin posaḷamaton. Kasaḷamatan inta inaidan in Roho i Allah kon i monimu sinbá moiko in baḻíon umat i Allah inta mokudus sin mopirisaya in moiko kon habar inta mobanar nongkon i Allah.

EPESUS 1:4

Kon tungkuḷ in dunia naa diápa pinomia kita in koyongandon piniḻí i Allah pinongin i Kristus takin makusud bá kita in mobaḻí kapunyaan-Nea inta tongá mosumba kon i-Nia bo mogaid kon onu inta pinarenta-Nea. Lantaran ki Allah motabi,

YOHANES 19:27

Noguman mako natua in ki Yesus kon i iná-Nea, Sia in noguman doman kon murí-Nea tatua, “Tua in ki inámu.” Bo kon dodaipa doman tatua dinia in murí tatua in ki iná i Yesus nogutun tobaḷoiannea.

MARKUS 3:35

Intau inta dinumudui kon ibog i Allah, siabí tua in ki utat-Ku ḷoḷaki bo ki utat-Ku mita bobay bo ki iná-Ku.”

MATIUS 20:16

Bo ki Yesus in noguman, “Natuabí in mobaḻí, intau inta noitontumi mobaḻí moiuna bo intau inta noiuna in mobaḻí moitontumi.”

SURAT I PAULUS KON JAMAAT RUM 16:12

Salam doman kon i Tripena bo kon i Triposa inta ain noramuji totok in nogaid sin kopontingan i Tuhan, bo salam doman kon i Persis inta kinotabiku. Sia doman tua inta ain noramuji totok in nogaid sin kopontingan i Tuhan.

SURAT I PAULUS KON JAMAAT RUM 16:14

Poyaputpa doman in salamku kon i Asinkritus, kon i Plegon, kon i Hermes, kon i Patrobas, kon i Hermas bo kon bayongan intau inta mopirisaya kon i Kristus inta noyotakin monia.