SURAT I PAULUS KON JAMAAT RUM 12:17 - Alkitab Singog In Mongondow Masa In Tanaa

¹⁷ Aka intau mopoaid in moraat kon inimu yo donaaibí tuḻíanmu in moraat. Aidaibí in onu inta inanggap mopia in bayongan intau!

SURAT I PAULUS KON JAMAAT RUM 12:17 Referans Kwoze

AMSAL 20:22

Dikabí mopotuḻí in moraat kon inta moraat; popirisayadon kon i Tuhan, Siabí in motuḷung.

TESALONIKA 1 5:15

Ḷukadai sinbá diá in mosituḻían intau kon soaḷ mita inta moraat. Umuran poramuji in mogaid kon inta mopia kon intau mita.

MATIUS 5:39

Táe Akuoi in moguman kon inimu: Donaai moiko motuḻí kon intau inta nopoaid in moraat kon inimu. Táe nanaabí in aidai, aka ki ine in monokap kon putongimu koḷanan, yo ogoi doman in putongimu koḷoigi.

PETRUS 1 3:9

Inta moraat donaaibí tuḻían onu inta moraat, ande aka sibáan yo donaaibí monuḻí monibá. Táe poigumbí sinbá barakatan i Allah in intau mita inta nomia natua kon i monimu. Sin ki Allah in nogoiní kon i monimu, sinbá motarima in moiko kon barakat-Nea.

SURAT I PAULUS KON JAMAAT RUM 12:19

Utatku mita inta kinotabiku, donaai in moiko motagú kon sakí in gina bo monomayá monuḻí, pomayádon mako bain ki Allah in motuḻí. Sin kon bonu in Buk Motusi ain pinais nanaa: “Akuoibí in motuḻí. Hukumon-Kubí in sia, guman i Tuhan.”

PETRUS 1 3:16

Táe koaḷusbí in pototubag takin horomat. Ginamu in musti totu-totuu motuḻid, sinbá aka poponapudan uboḷ in moiko lantaran nobiag notompia saḷaku dumodudui i Kristus, dá intau inta noponapud in uboḷ tatua kon inimu buibí mooyá tontaní.

TESALONIKA 1 5:22

Bo mokopoyayú kon bayongan inta moraat.

PETRUS 1 2:12

Kopiaan in oaidmu kon sigad in intau mita inta diápa nonotaau kon i Tuhan, sahingga in aka singogon monia kon iko in intau moraat, yo koontongandon monia in oaidmu inta mopia, dá modayowdon in mosia kon i Allah kon singgai koangoian-Nea.

KOLOSE 4:5

Mokopobijaksanadon in mobiag moyotakin intau mita inta diá mopirisaya, bo pakédon kopira pomuḷoi oyúon in kasampatan.

SURAT I PAULUS KON JAMAAT RUM 14:16

Manangka intua donaaidon pomayámu mako in onu inta mopia kon inimu in anggapon intau ibanea diá mopia.

TIMOTIUS 1 5:14

Tuamai ibogonku, intau boba-bobay inta nomudapa buidon mokipobuḷoi, sinbá buidon mokouḻí kon adí kon tonibuḷoinea, bo tongádon in sia monompia kon i adínea inta kon bonu in tonibuḷoinea tatua, sinbá intau mita inta mosaturu kon inaton in diádon moporomu-romúmai kon tangoi naton.

TESALONIKA 1 4:12

Sahingga in moiko mobiagdon motoḷutui kon tayowon intau mita ibanea, bo diá tongá moharap mako kon intau ibanea.

KINOBAḺIAN 42:25

Ki Yusup nomarentadon sinbá karong mita inta dinia i guya-guyangnea mita tatua bonuandon in gandum, bo doit monia tua in popobonudon bui kon karong monia kon batúannea. Bo mosia in ogoian doman in kaanon mobaḻí toibaḷun monia kon daḷan. Parenta i Yusup mita tatua inaidandon monia.

SAMUEL 1 26:11

Poigumon mako ki Tuhan mongampag kon inakó in moḻimod kon datu inta ain piniḻí-Nea! Gamádon mako in pandongnea bo tampat in tubignea, bo mayádon in kita!”

AMSAL 24:29

Dika moguman, “Tuḻíankubí in onu inta ain pinopoaidnea kon i nakó!”

MATIUS 5:24

yo taḷaaipa in onu inta diniamu posumba tatua kon tayowon in meja pogogukatan kon sosumba bo bayádon muna poyodame i utatmu tatua bain tua bo bayádon pobogoi kon onu in posumbamu kon i Allah.

RUT 3:14

Dá nosiugdon in ki Rut kon sioḷan i Boas. Nobangon monik subupa totok, ki Rut nobangondon sinbá diá ontongon in intau. Sin doíbí in ki Boas aka oyúon in intau mokotaau kon ki Rut namangoi in tampat tatua.