SURAT I PAULUS KON JAMAAT RUM 10:4 - Alkitab Singog In Mongondow Masa In Tanaa

⁴ Hukum agama in Yahudi ain inintompodan i Kristus. Manangka intua intau inta mopirisaya kon i Kristus, hubungannea takin i Allah in motompiadon bui.

SURAT I PAULUS KON JAMAAT RUM 10:4 Referans Kwoze

GALATIA 3:24

Dá hukum i Musa in nobaḻí moḷoḷukad kon i naton modapot in ki Kristus namangoi, sinbá kita in posaḷamaton i Allah sin kita in nopirisaya kon i Kristus.

YOHANES 1:17

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.

YESAYA 53:11

Tuamai in ki Tuhan in noguman, “Naonda in nobaba mako kon roriga, sia in mosanangbí bo mopuas. Mogogundoi-Ku tua, inta mokosanang kon gina-Ku, ain nobaba kon hukuman in intau mobayong; pinodoyon kon inia Akuoi in mongampung kon i monia.

IBRANI 10:14

Dá kuruban tobatú tatua inta inaidan i Kristus noposompurnadon kon intau mita inta ain dinaritan nongkon dosa.

KOLOSE 2:17

Tua komintan in tongábí oḻinow nongkon soaḷ mita inta moiduduimai, táe inta moniata nongkon soaḷ mita tatua in ki Kristusbí!

KOLOSE 2:10

Bo lantaran nobiag notobatú i Kristus, dá moiko in inogoiandon in kobiagan. Sin ki Kristus in tongguḷu in bayongan roho inta nongawasa bo inta nomarenta.

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

SURAT I PAULUS KON JAMAAT RUM 3:22

kon ki Allah in noibogbí noyopia bui takin intau, táe tua in nointotoibí kon pirisaya kon i Yesus Kristus. Tua inaidan i Allah kon bayongan intau inta mopirisaya kon i Kristus, sin Sia in diábí mopoyoposi kon intan:

MATIUS 3:15

Táe ki Yesus in notubag: “Pomayádon mako, diábí nongonu, sin natuabí in kita aka mogintompod kon bayongan inta kinoibog i Allah.” Dá binaptis domandon i Yohanes in Sia.

GALATIA 4:5

Sia naa in pinotabá sin mobogoi in kabebasan kon intau mita inta umuranpa nobiag kon bonu in kawasa in hukum i Musa; sinbá kita in mobaḻí ki adí mita i Allah.