SURAT I PAULUS KON JAMAAT RUM 10:10 - Alkitab Singog In Mongondow Masa In Tanaa

¹⁰ Sin takin ginanea, intau in mopirisaya, dá tarimaan i Allah in Sia saḷaku intau inta ain noyodame takin-Nea. Bo bibig in pinakénea nongaku sahingga pinosaḷamat in Sia.

SURAT I PAULUS KON JAMAAT RUM 10:10 Referans Kwoze

YOHANES 1 4:15

Ki ine in mopirisaya kon ki Yesus tua in ki Adí i Allah, yo ki Allah notobatú takin intau tatua, bo intau tatua in notobatú domandon i Allah.

SURAT I PAULUS KON JAMAAT RUM 10:9

Sin aka akúon in bibig monimu kon: “Ki Yesus tua in Tuhan”. bo ginamu in mopirisaya kon ki Allah ain nomiag bui kon i Yesus, dá iko in mosaḷamatbí.

GALATIA 2:16

Umpaka natua yo kinotaauanbí nami kon diábí in tobatúmai intau in posaḷamaton i Allah sin dinumudui kon hukum i Musa. Táe intau posaḷamatonbí sin pirisaya kon i Yesus Kristus. Tuamai kami tontaní in nopirisayadon kon i Yesus Kristus, sinbá kami in posaḷamaton doman, deemanbí posaḷamaton sin dinumudui kon onu inta kon hukum i Musa.

IBRANI 10:22

Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.

LUKAS 8:15

Yo aka bibit inta noḷabú kon butá mopia, tua in ibarat intau inta nokidongog kon Pirman, bo pinotonopnea totu-totuu kon bonu in ginanea sahingga in nonahang kon yagi-yagi sobaan bo nobogoi in bungainea inta totok in mopia.”

IBRANI 3:12

Utatku mita, mokopoingat sinbá diá in tobatúmai kon sigad monimu in gina moraat bo diádon mopirisaya, sahingga in tumoḻikud bo mokopoyayúdon kon i Allah inta nobiag!

PILIPI 3:9

bo akuoi in totu-totuudon notobatú takin-Nea. Hubungan mopia takin i Allah in diábí nouḻíku sin popisí in dinumudui kon hukum in agama, táe tua in nouḻíkubí sin akuoi in nopirisayadon kon i Kristus. Dá tuamai hubungan mopia tua in namangoibí nongkon i Allah sin pinodoyon kon pirisaya kon i Kristus Yesus.

WAHYU 2:13

Kinotaauan-Kubí in pinogutunan monimu. Moiko in nogutun kon tampat inta pinomarentaan in Ibilis, táe moiko in motoinduduibí kon i-Nakó. Sedang bo wakutu in ki Antipas, sakusi-Ku inta motoindudui tua iḻimod kon tayowonmu kon tampat poyoyosipunan in Ibilis, yo moiko in umuranbí doman nongaku saḷaku intau mita inta mopirisaya kon i-Nakó.

MARKUS 9:23

Ki Yesus in notubag, “Onu in kainimu? Aka mokotuḷungbí in Akuoi? Komintanbí motaau-Ku aidan asaḷ bo mopirisaya intau!”

SURAT I PAULUS KON JAMAAT RUM 10:11

Kon bonu in Buk Motusi ain pinais nanaa, “Intau inta mopirisaya kon i-Nia in diábí pokopooyáanmai.”

OUMAN IN RASUL MITA 8:37

Dá kai Pilipus doman, “Aka ki Tuang bo totu-totuudon mopirisaya, yo diábí doman nongonu.” “Mopirisayadon in akuoi kon ki Yesus Kristus tua in ki Adíbí i Allah,” tua in tubag in pogawai tatua kon i Pilipus.]