SURAT I PAULUS KON JAMAAT RUM 1:12 - Alkitab Singog In Mongondow Masa In Tanaa

¹² Nanaa in makusudku, lantaran kita bo tumpaḷadon mopirisaya kon i Yesus Kristus, dá musti umuran mosirigonan in kita.

SURAT I PAULUS KON JAMAAT RUM 1:12 Referans Kwoze

PETRUS 2 1:1

Utat mita inta totu-totuudon nopirisaya ná doman kami naa! Ki Yesus Kristus, inta Allah bo Datu Mopoposaḷamat naton in nobogoidon in kasampatan kon i naton mopirisaya kon i-Nia, sin Sia ain nogaid kon onu inta mobanar. Surat tanaa in nongkon i Simon Petrus, tobatú mogogundoi bo rasul i Yesus Kristus.

TITUS 1:4

Titus, iko uḻe in totu-totuu bidon nobaḻí ki adíku, sin kitada in tumpaḷadon nopirisaya kon i Kristus. Manangka intua umuranku poigumon mako sinbá ki Allah, ki Amá naton bo ki Kristus Yesus Datu Mopoposaḷamat naton, umuran mobogoi in barakat bo kobiagan mopia kon inimu.

KORINTUS 2 7:13

Tuabí manangka in noonow in gina nami. Koḻikud in moonow, nodugang doman totok ḷunganga in gina nami sin nokoontong kon ḷunganga in gina inta kinorasaan doman i Titus; nopia in ginanea lantaran moiko.

SURAT I PAULUS KON JAMAAT RUM 15:32

Sinbá aka ogoianpa i Allah in kasampatan, dá mamangoipa in akuoi kon i monimu takin gina mosanang, bo moonowdon totok in ginaku kon yua-yuak monimu.

OUMAN IN RASUL MITA 11:23

Naonda in noiyaput kon tua in ki Barnabas, bo nokoontong kon naonda in Allah nomarakat kon i monia, nopia totok in ginanea. Bo sia in nopoigum domandon kon bá mosia in totu-totuudon mopirisaya bo motoindudui kon i Tuhan.

YUDAS 1:3

Utat mita inta kinotabiku! Totuu kon oyúonbí in makusudku in nomais kon surat tanaa kon i monimu, tuata in soaḷ kasaḷamatan inta ain tumpaḷa kinorasaan naton. Kon soaḷ tanaa totokdon kon ginaku in momais kon surat kon i monimu bo mononggina sinbá moiko in umuran mokoporoton in kumadai kon onu inta ain pinirisaya monimu inta ain pinoyaput kon intau mita inta ain inoiní i Allah.

YOHANES 2 1:4

Nosanangdon totok in ginaku nokotaaumai kon oyúon in ki adí mita i Iná in nobiag podudui in totundú mita i Allah, ná inta pinoki aid i Allah Amá kon i naton.

TIMOTIUS 2 1:4

Tantúku kotoropan koajar in ginamu, tuamai in moibogdon totok in akuoi mokipodungkuḷ kon inimu bá mosanangdon in ginaku.

EPESUS 4:5

Tongábí doman tobatú in Tuhan, tobatú in pirisaya, tobatú in baptisan,

SURAT I PAULUS KON JAMAAT RUM 15:24

Igumonku mako aka kon binayáanku mopobayá in Spanyol, yo moiandupa in akuoi kon tampat monimu bá moyodungkuḷpa in kita takin pia in gina umpaka diá moonggot. Mopaḷut mako kon tua haraponku moiko in motaaupa motuḷung kon inakó mongingguput kon bobayáanku mopobayá in Spanyol.

SURAT I PAULUS KON JAMAAT RUM 1:11

Akuoi in moibogdon totok in moyodungkuḷ monimu sinbá motaaupa mosilai kon i monimu kon onu inta ain pinonotabi in Roho i Allah sinbá modugangdon moropot in pirisaya monimu.

SURAT I PAULUS KON JAMAAT RUM 1:13

Utatku mita! Ibogonku in bá kotaauan doman monimu kon mokakitdon in akuoi moibog mamangoi mokipodungkuḷ kon i monimu, tongá tantú oyúon in ḷabot. Sin ibogonku in bá oyúon doman bungai in oaidanku kon sigad monimu ná inta ain nobaḻí kon yua-yuak in intau mita inta deeman Yahudi kon tampat mita ibanea.