PINOGIAPAN 8:2 - Alkitab Singog In Mongondow Masa In Tanaa

² “Potaaudon kon i Harun kon dodai in sia mopotudu in togá pitu kon totuduan in togá tatua, musti ukatonnea kopiraan sinbá monimbayag kon dotá in muna in sioḷ in totuduan togá tatua.”

PINOGIAPAN 8:2 Referans Kwoze

IḶUAIAN 25:37

Pomiaai kon togá pitu in kon batúan in sioḷ in totuduan kon togá tatua bo aidai ukuron kon bayongan sindarnea moisindar ná muna.

WAHYU 4:5

Nongkon tampat pomomarentaan tatua noisindar magí in kilat bo iḷumuai in singog in gotup inta moyo-moyodudui. Bo kon tampat pomomarentaan tatua oyúon in poḷombow pitu inta koyongki-yongkit; tuata in Roho i Allah taya pitu.

WAHYU 1:20

Naabí in rahasia in tundi pitu inta inontongmu kon ḻima-Ku koḷanan, bo pitu in sioḷ pototuduan kon togá inta pinomia nongkon buḷawan tua: Tundi pitu tatua in malaekat mita in jamaat pitu doman tatua, bo pitu in sioḷ pototuduan kon togá tua in jamaat pitu tatua doman.”

WAHYU 1:12

Akuoi in nobobui ná tumi sin moindoi mongo ki ine inta noguman kon inakó tua. Bo inontongku pitu in sioḷ pototuduan kon togá inta pinomia nongkon buḷawan.

PETRUS 2 1:19

Tuatabí in nokodugang kon pirisaya nami kon koyow i Allah inta ain pinoyaput in nabi mita. Maníka moiko in monarukira totok kon koyow tatua, sin koyow tatua in naonda bo togá inta nonindar kon wakutu in doḷom modapot in mobayagdon, bo sindar in tundi inta kon dotá in pomukaan monimbayag kon bonu in ginamu.

YOHANES 1:9

Bayag totokanea inta monimbayag kon bayongan in intau, mamangoi in dunia.

MATIUS 5:14

Moiko bayag in dunia. Ḻipú inta kon tudu in buḷud diábí moibuni.

MAZMUR 119:130

Aka insilangan, totundú-Mu in mobogoi in bayag, mobogoi in pomomangaḻe kon intau moompá in gina.

MAZMUR 119:105

Tosingogon-Mu in nobaḻí togá kon bayáanku, sindar inta monimbayag kon daḷanku.

IMAMAT 24:4

Ki Harun musti monoinut kon togá mita inta sinudu kon sioḷ totuduan togá inta pinomia nongkon buḷawan sinbá umuran moyongkit kon Ḷoḷaigan i Tuhan.

IḶUAIAN 40:25

bodongka pinoyongkit in togá mita tatua kon tayowon i Tuhan.

IḶUAIAN 37:23

Kon sioḷ totuduan in togá tatua pinomianea kon togá pitu takin pakakat ponondarit kon sumbu in togá bo duḷangnea nongkon buḷawan taakan.

YESAYA 8:20

Tubagai nanaa, “Indongogai in totundú in Tuhan! Intau inta diá nosingog podudui in totundú tatua, diábí in kamang.”

PINOGIAPAN 8:1

Ki Tuhan noguman kon i Musa,

PINOGIAPAN 8:3

Onu in pinoguman i Tuhan inaidan i Harun. Inukatnea in togá mita tatua pinotayow kon sioḷ totuduan in togá.

IḶUAIAN 39:37

sioḷ in totuduan togá inta nongkon buḷawan totokea, togánea mita takin bayongan touḷutnea, ḷana inta pakéon kon togá,