PINOGIAPAN 3:3 - Alkitab Singog In Mongondow Masa In Tanaa

³ Mosia binaḻí imang pinongin upacara pinomutakan in ḷana kon uḷu.

PINOGIAPAN 3:3 Referans Kwoze

IḶUAIAN 28:41

Popoḷutudon in pakeang tatua kon i Harun ki utatmu bo kon i adínea mita. Toguḷuai in mosia in ḷana zaitun; tuata in pomiaan monimu sinbá mosia motaaudon mogaid kon oaidan-Ku mobaḻí imang.

IMAMAT 8:30

Nopaḷut mako kon tua ki Musa nogamá kon tongosilai in ḷana upacara bo tongosilai nongkon dugú inta kon tudu in mezbah, bo pinopo pisiknea kon i Harun bo kon i adínea mita takin pakeang monia. Tua in pinomia i Musa sin mopotondí kon i monia bo ḷambung monia ogoi kon i Tuhan.

IMAMAT 8:12

Nopaḷut mako kon tua ki Musa nomaḻídon imang kon i Harun takin nopobutak in ḷana upacara topiḻik kon uḷu i Harun.

IBRANI 7:28

Hukum in agama Yahudi nopobaḻí imang moḷoben kon intau diá nosompurna. Táe onda intua, nongkon hukum agama tatua inaidan i Allah in dandi inta sinakinan in ibot kon baḻíon-Neabí, Imang Moḷoben in ki Adí-Nea inta binaḻí-Nea mopoposaḷamat inta mosompurna bo inta diá mato-matoi.

IḶUAIAN 40:15

Bo butakai domandon in ḷana in mosia ná ki amá monia, sinbá mosia mobaḻí doman imang inta mogundoi kon i-Nakó. Pinongin mopobutak in ḷana ná tatua, suku monia in umurandon mobaḻí imang modapot kon adí bo ompu monia”.

IḶUAIAN 40:13

Ḷutudaidon in pakeang imang kon i Harun, bo butakaidon in ḷana upacara in sia sinbá sia tantúondon tongá mogundoi kon oaidan-Ku mobaḻí imang.

PINOGIAPAN 3:4

Táe ki Nadab bo ki Abihu in minatoi kon padang gurun Sinai, kon tungkuḷ in mosia minayá kon tayowon i Tuhan bo nodia kon tuḷú inta diá kinoibog i Tuhan. Taya dua tua in diá kogadí. Dá kon dodai in ki Harun nobiagpa, ki Eleazar bo ki Itamar in nobaḻí imang.

TAWARIKH 1 23:6

Sinilai i Daud in intau in Lewi tatua nobaḻí toḷu notonsilai podudui in inanakan monia, tuata in inanakan i Gerson, i Kehat bo i Merari.