PINOGIAPAN 1:3 - Alkitab Singog In Mongondow Masa In Tanaa

³ inta umur doyowa nopuḷú notaong bo namonik inta motaaudon baḻíon tontara. Mosia musti paison podudui in kapunan in tontara monia tontaní.

PINOGIAPAN 1:3 Referans Kwoze

IḶUAIAN 30:14

Komintan intau inta iapon kon bonu in pogiapan tatua, ḷoḷaki inta umurdon doyowa nopuḷú notaong bo namonik, yo musti mobogoi in salehe sinondí tua.

PINOGIAPAN 14:29

Moiko aindon nongunsingog kon i-Nakó. Tuamai matoi in moiko, bo mayat monimu moiukat magí-mako kon padang gurun tanaa.

SAMUEL 2 24:9

bo nopotaau kon i datu in kobayong in intau inta iniap tua. Kobayong in ḷoḷaki inta motaaudon mobaḻí tontara in 800.000 in intau in Israel bo 500.000 in intau kon Yohuda.

ULANGAN 24:5

“Ḷoḷaki tobatú inta bagu nobuḷoi diábí motaau in pokituotan tontara bo mayá moparang ande mogaid kon oaidan ibanea. Sia in mustipabí ḷuatan kon oaidannea kon bonu in totaong sin monompia kon tonibuḷoinea bo moposanang in gina i buḷoinea.

ULANGAN 3:18

Kon dodai intua akuoi nobogoi kon i monia in parenta tanaa: Ki Tuhan Allahmu nobogoi kon inimu in butá kon dotá in pomukaan kon Ongkag in Yordan sin pogutunanmu. Táe tontaramu mita in musti kodia-dia in sonjata bo ḷumoḷan kon Ongkag in Yordan umuna kon suku mita Israel ibanea.

PINOGIAPAN 33:1

Naonda in bangusa Israel nonaḷámai kon Mesir, kon pipidan podudui in suku bangusa monia kon bonu in tongganut i Musa bo i Harun, mosia nongandu-ngandup mako kon tongonumai in tampat.

PINOGIAPAN 26:2

“Moiko in musti mogiap bui kon bayongan umat in Israel podudui in inanakan monia. Bayongan in ḷoḷaki inta umur doyowa nopuḷú notaong bo namonik inta motaaudon baḻíon tontara, musti daiton paison.”

IḶUAIAN 12:17

Kon singgai tatua bayongan in bangusamu diaan-Ku ḷumuai nongkon Mesir. Tuamai modapot kon i adí bo ompumu, muḷoi in taong, singgai tatua musti baḻíon monimu singgai moḷoben.

IḶUAIAN 38:26

Kobayongnea tatua notongkai in onu inta inuboḻian in bayongan intau podudui in kobayong intau inta iniap tungkuḷ intua. Bayongan intau moguboḻi pinodudui kon onu inta ain sinantú, sinimbang podudui in simbangan inta pinaké. Kon bonu in pinogiapan tatua pinais in kobayong intau ḷoḷaki inta umur doyowa nopuḷú notaong bo namonik in 603.550 in kobayongnea.

TAWARIKH 1 5:18

Kon bonu in suku Ruben, Gad bo suku in Manasye inta kon dotá in pomukaan kon Yordan sinampat in 44.760 in tontara inta ain ilatih bo kopongalamandon mopomaké in kaḻeaw, kedang bo piot.

TAWARIKH 2 25:5

Ki Datu Amazia in nosipun kon bayongan in intau suku in Yohuda bo Benyamin bodongka nopotabá kon i monia sinimindog podudui in inanakan monia tontaní, kon bonu in tongganut in itoi in tontara toribu bo itoi in tontara mogatut. Onda intua nomiḻí in sia kon intau mita inta umur doyowa nopuḷú notaong bo namonik inta motaaudon moparang bo mopandoi mopomaké in pandong bo kaḻeaw. Kobayong monia in 300.000 in intau.

PINOGIAPAN 3:15

nogiap kon intau mita in Lewi podudui in inanakan bo batúan koluarga monia; Bayongan adí ḷoḷaki inta umur tobuḷan bo namonik musti paison in tangoinea.

PINOGIAPAN 4:3

bo momais kon tangoi in bayongan ḷoḷaki inta umur toḷu nopuḷú notaong dapot in ḻima nopuḷú notaong, inta motaaudon mogaid kon Ḷoḷaigan i Tuhan.