PILIPI 4:5 - Alkitab Singog In Mongondow Masa In Tanaa

⁵ Pomayádon mako bá ontongondon in bayongan intau in oaidmu inta mopia in gina. Sin diádon moonggot ki Tuhan in mamangoi.

PILIPI 4:5 Referans Kwoze

MATIUS 6:25

Manangka intua Akuoi in moguman kon inimu: donaaidon mohawatir kon kobobiagmu, kon onu inta kaanonmu andeka inumonmu, bo onu in pakéonmu. Sin mobiagbí in moponti-ponting nongkon kaanon andeka pakeang?

TITUS 3:2

Tongginaai sinbá mosia in diá umuran moibog moponapud in uboḷ kon intau ibanea andeka moibo-ibog mobobayowan i inekadon, sin maníka umuran mokopopia kon dodia kon tumpaḷa intau bo mokopoaḷus doman kon pososingog takin bayongan in intau.

IBRANI 10:37

Sin kon Buk Motusi ain pinais nanaa: “Nodiugdon totok in wakutunea, dá Sia inta sinango-tangoi moiangoi tua, in ḷagidon moiangoi; Diá bidon baḷu-baḷuian-Nea in wakutu koangoian-Nea.

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

KORINTUS 1 6:7

Naaibí in tongá soaḷ mopongadu in pelekara kon intau inta deeman Keresten; sedangkan kon sigad monimu bo momuká in yogenggeng, yo mangaḻenea kon tua in tobatú bidon kelemahan monimu. Sin maníka bo tombogaan andeka porugion in tumpaḷa intau!

IBRANI 10:25

Kita in musti umuran moyosipun moyotakin bo umuran mosambayang. Donaai mokopomaḷat ná intau ibanea. Mustibí doman umuran in kita mositongginaan, sin kinotaauan bidon naton kon diá bidon moonggot bo mamangoi bui in ki Tuhan.

WAHYU 22:7

“Tarukiradon in naa!” Guman i Yesus, “Akuoi in ḷagi bidon mamangoi. Koḷungangadon totok in intau inta umuran dinumudui kon singog mita inta pinotaau kon bonu in buk tanaa!”

KORINTUS 1 8:13

Tuamai aka mokobaradosabí kon i utatku mita in kaanon tatua, dá doí bidon in akuoi mokaan kon ponoyá tatua. Sin dikabo baradosaan in ki utatku tua popisí akuoi.

MATIUS 6:34

Manangka intua, donaaidon mohawatir moiko kon singgai ikoḷom. Sin singgai ikoḷom torupabí doman in roriganea. Roriga singgai naa tugatdon, donaaidon dugangan in roriganea.”

WAHYU 22:20

Sia inta nopoyaput in koyow mita tanaa in noguman, “Totuu, Akuoi in ḷagi bidon mamangoi!” Amin! Angoidon oo Tuhan Yesus!

PETRUS 1 1:11

Mosia in nonaridi mongo naonda bo toonu in kobaḻían intua, inta imakusud in Roho i Kristus tua in onubí inta oyúon kon awak monia. Kon wakutu intua Roho-Nea ain noguman muna kon i monia soaḷ roriga mita inta musti korasaan i Kristus bo soaḷ kamuliaan-Nea inta moiduduimai onda intua mopaḷut.

KORINTUS 1 9:25

Pomuḷoi intau inta mobasadia tumakin kon poyotandingan, musti monahang kon yagi-yagi, sinbá mokouḻí kon tombuinag inta diá mononoi kon dunia naa, táe kita in monahang kon yagi-yagi sinbá mokouḻí kon tombuinag inta mononoi.

TESALONIKA 2 2:2

Sinbá diá in moiko baḷú motoboḻingo bo moḻia-ḻiaw in gina sin mokodongog kon naadon in singgai koangoian i Tuhan bui. Degá habar tatua nongkon habar inta pinopogonú i Allah andeka tongábí nongkon totundú in intau, andeka oyúon doman in noguman kon soaḷ mita tatua in nokoimontandon in pinais nami kon surat nami.

LUKAS 21:34

“Ḷukadai in awakmu bo dika tongá umuran morai kon rame bo monginum kon oinumon inta mokoḷoḷangu andeka tongá umuran morai kon kobobiagmu, sahingga in aka wakutu-Nea bo daḻí moiangoi, yo diá mokopobasadia in moiko.

KORINTUS 1 16:22

Intau inta diá motabi kon i Tuhan, pomayádon mako baḷáan! Maranatha – Tuhan nami, angoidon!

KORINTUS 2 10:1

Akuoi ki Paulus, inta kain intau in diá mobarani moyogintayow mako, tongá mobarani aka moyogiyayúan monimu. Tanaa mako pinodoyon kon koaḷus bo kopopia in gina i Kristus,