PILIPI 4:4 - Alkitab Singog In Mongondow Masa In Tanaa

⁴ Kosanangdon in gina monimu sin ain nopirisaya bo nobiag notobatú takin i Tuhan. Buipa doman pogumanku: kosanangdon in ginamu!

PILIPI 4:4 Referans Kwoze

SURAT I PAULUS KON JAMAAT RUM 12:12

Utat, poharapdon kon i Tuhan takin ḷunganga in gina, mokoposabar aka koantugan in susa, bo umuran posambayang.

PILIPI 3:1

Pangabisannea, pogumanku kon i monimu utatku mita, kosanangdon in gina monimu, sin moiko ain notobatú i Tuhan. Diábí mobú in akuoi in momais bui kon onu inta ain pinaisku koḻipod kon i monimu; sin kopiaanbí monimu intua.

MATIUS 5:12

Koḷunganga bo kopiadon in gina monimu, sin moḷoben in mouḻímu kon soroga, sin nabi tungkuḷ intua in pinogutú doman monia natua.”

PETRUS 1 4:13

Mokoposanangbí kon gina sin moiko in nokorasadon kon ná inta ain kinorasaan i Kristus. Dá aka kamuliaan i Kristus popoontongdon, yo totokbí in mopia in gina monimu.

MAZMUR 146:2

Akuoi in moibog modayow kon i Tuhan kon kinoouput in kobiaganku bo modondong kon i Allahku kon dodai in oyúonpa in akuoi.

OUMAN IN RASUL MITA 16:25

Táe naonda in noonggotdon kon doḷom ki Paulus bo ki Silas nosambayang bo nodondong nodayow kon i Allah. Dá bayongan intau kon ponjara tua nodait nokodongog.

OUMAN IN RASUL MITA 5:41

Rasul mita tatua in nobuidon nongkon sidang agama tatua takin pia in gina, sin kinotaauan bidon monia kon natuabí in mobaḻí dumodudui i Yesus. Patusbí in mosia motarima kon singkuḻe lantaran ki Yesus.

GALATIA 1:8

Táe intau inta nopoyaput in kai monia “habar mopia” inta noyoposi in Habar Mopia inta pinoyaput nami tua in igumonku mako bá hukumon i Allah in sia, kami kabí tontaní andeka malaekat nongkon soroga!

MAZMUR 33:1

Ei intau mita motoḷutui, porogiowdon takin pia in gina sin onu inta ain inaidan i Tuhan; patusbí in intau motuḻid in gina umuran modayow.

HABAKUK 3:18

ginaku in umuranbí moḷunganga, sin Iko in ki Tuhan mopoposaḷamatku.

KORINTUS 2 6:10

Umpakabí pinokuyang monia in gina nami, táe umuranbí moḷunganga in gina nami. Kami in koontongan nobiag nobogá, táe nobayongdon intau in binaḻí nami nooyúon. Koontongan kami diá kon onu bo onu, táe sabanarnea bayongan rupa-rupa oyúonbí kon i nami.

PILIPI 2:18

Ná doman tua, ibogonku in mosanang doman gina monimu takin ginaku.