PILIPI 4:2 - Alkitab Singog In Mongondow Masa In Tanaa

² Ki utat naton bobay ki Euodia bo ki Sintike! Naa in tongginaku kon i monimu, kotobatúdon kon gina saḷaku intau inta mopirisaya kon i Tuhan.

PILIPI 4:2 Referans Kwoze

IBRANI 12:14

Poramuji umuran mobiag motompia takin bayongan intau. Poramuji doman mobiag mokudus takin i Tuhan. Sin diábí in tobatúmai intau mokoontong kon i Tuhan aka diá mobiag natua.

KORINTUS 1 1:10

Utatku mita! Podoyon kon tangoi i Tuhan naton ki Yesus Kristus, poigumonku sinbá moiko umuran mosiduduian bo mokokidongogan; donaai umuran mobobayowan. Tantúbí kotobatúon in gina bo raian.

MARKUS 9:50

Simuton tua in mopiabí, táe aka moḷiaudon yo onu i motaau pogibung monimu bui kon tua? Dá tuamai kobaḻíbí in moiko ná simuton bo kobiagbí moyotakin, takin popiaan bo totabian.”

TESALONIKA 1 5:13

Umuranbí horomat bo kotabi in mosia tua, sin oaidan inta inaidan monia tatua in deemanbí tongá ibo-ibog. Kobiagbí motompia bo umuran mototabian in moiko.

KINOBAḺIAN 45:24

Onda intua ki utatnea mita inogoineadon minayá, takin koyow kon i monia, “Donaai mobobayowan in kon daḷan.”

PILIPI 3:16

Táe umurai tarukira in tanaa: Musti in kita umuran mobiag dumudui kon atorang inta ain dinuduian naton dapot in tanaa mako.