PILIPI 3:7 - Alkitab Singog In Mongondow Masa In Tanaa

⁷ Tongá popisí in nopirisayadon kon i Kristus, dá onu in koḻipod inta inanggapku mobogoi in kauntungan kon inakó, tanaa mako inanggapkudon diá in mangaḻenea.

PILIPI 3:7 Referans Kwoze

LUKAS 14:33

Natua doman in moiko komintan. Diábí tobatúmai in kon sigad monimu inta motaau mobaḻí dumodudui-Ku aka moiko bo diá mokotaḷá kon kapunyaanmu.”

MATIUS 16:26

Onubí in baragunanea aka intau mokouḻí kon bayongan inta koibognea kon dunia naa, táe sia in matoi?

LUKAS 14:26

“Aka intau mamangoi kon i-Nakó, táe sia in motabi-tabi kon i iná bo kon i amánea andeka kon i adíneabí bo kon i buḷoinea bo kon awaknea tontaní, yo sia tua in diá motaau mobaḻí dumodudui-Ku.

AMSAL 13:8

Intau nooyúon musti mopoḷuai in doitnea sinbá moaman in kobiagannea; intau bogá noiḷuat nongkon gogondok.

KINOBAḺIAN 19:17

Naonda intua tobatú nongkon malaekat tatua in noguman, “Poḷaguidon, posaḷamatdon in nyawamu! Donaai mobobui kon tumi bo donaai mogogai kon ḷopá. Poḷaguidon bayá in buḷud, sinbá diá matoi in moiko!”

AYUB 2:4

Táe Ibilis in notubag,, “Dimukud bo awak mosehat in moḷobe-ḷoben in mangaḻenea nongkon kapunyaan. Intau in mokobaḻíbí in mobogoi kon bayongan kapunyaannea asaḷ bo umuran mobiag in sia.

LUKAS 16:8

Dá pinuji i tuangnea in bendahara inta diá mojujur tatua popisí in mobayong in akaḷnea; sin intau mita inta modunia in mopando-pandoi monompira kon oaidan monia dika in intau mita inta nobiag kon nobayag.”

AMSAL 23:23

Totundú inta mobanar, hikmat, topotundú, bo pomomangaḻe – tua komintan in patusbí taḷuion, bo donaaibí potaḷui.

KINOBAḺIAN 19:26

Táe ki buḷoi Lot in nobobuibí ná tumi, dá sia in nobaḷui nobaḻí oigi simuton.

OUMAN IN RASUL MITA 27:38

Naonda in nopaḷutdon mako nongaan in mosia, iḷumbúdon monia in gandum kon dagat sinbá mogaandon in kapaḷ tatua.

IBRANI 11:26

Irai Musa kon diábí nongonu in singkuḻeon sin mopirisaya kon i Datu Mopoposaḷamat inta pinodandi i Allah dika in mokouḻí kon bayongan kapunyaan kon butá in Mesir, sin iharap mako i Musa tua in kapunyaanbí kon singgai moiduduimai.

MOHOHUTUBA 3:6

Ki Allah in nonantú kon wakutu mokodungkuḷ bo wakutu kobuḻian, wakutu motagú bo wakutu kinotaḷu-taḷuinea,

MARKUS 10:50

Pinogarab in intau bilog tatua in jubahnea bo iḻimikat sinimindog minayá kon i Yesus.