PILIPI 3:16 - Alkitab Singog In Mongondow Masa In Tanaa

¹⁶ Táe umurai tarukira in tanaa: Musti in kita umuran mobiag dumudui kon atorang inta ain dinuduian naton dapot in tanaa mako.

PILIPI 3:16 Referans Kwoze

KOLOSE 2:6

Tai utat mita ain notarima kon i Kristus Yesus saḷaku Tuhan. Manangka intua kobiagdon in moiko motobatú takin-Nea,

WAHYU 3:3

Tuamai in toropdon bui in onu inta ain sinundú kon i monimu koḻipod bo onu inta ain dinongog monimu. Duduiai intua bo pogogaidon in mogaid kon dosa mita. Aka moiko bo diá mobangon, yo Akuoi in mamangoi kon i monimu naonda bo mononakow; bo diábí kotaauan monimu mongo toonu in Akuoi in mamangoi.

GALATIA 6:16

Kon bayongan intau inta umuranpa nokadai kon atorang tatua bo bayongan doman intau inta dinumudui kon ibog i Allah, umuran igumonku mako sinbá ki Allah in mobogoi in kobiagan motompia bo barakat-Nea.

SURAT I PAULUS KON JAMAAT RUM 15:5

Poigumon mako ki Allah inta nobogoi in kasabaran bo ropot kon intau, umuran doman motuḷung kon i monimu, sinbá moiko in mobiag motobatú kon gina bo dumudui kon onu inta ain inaidan i Yesus Kristus.

PILIPI 4:2

Ki utat naton bobay ki Euodia bo ki Sintike! Naa in tongginaku kon i monimu, kotobatúdon kon gina saḷaku intau inta mopirisaya kon i Tuhan.

PILIPI 2:2

Tuamai bá totu-totuudon mosanang in ginaku, dá aidai in naa: Tantúdon kobiag motobatú kon gina, motobatú kon raian, oyúon kototabian, motobatú kon jiwa bo motobatú kon tujuan.

PILIPI 1:27

Dá tuamai naa in poigumonku, kobiagbí in moiko podudui in onu inta pinoigum kon bonu in Habar Mopia i Kristus, sinbá aka moiangoi in akuoi yo diá bo diá kodongogankudon, kon moiko in umuranbí notobatú kon gina bo raian in moramuji mogaid kon onu inta pinirisaya podudui in Habar Mopia nongkon i Allah.

SURAT I PAULUS KON JAMAAT RUM 12:16

Moiko in musti mobiag mototabian tobatú bo tobatú. Donaai morai kon soaḷ mita inta moḷantud. Táe raibí in soaḷ mita inta komampuan aidan. Dikabí tumekeng mopandoi in iko.

GALATIA 5:7

Koḻipod moiko in mosiḷawangan in mogaid kon inta mopia. Yo nongonu sin masai naa moiko in doí bidon dumudui kon onu inta kinoibog i Allah? Ki ine in nopongaru kon i monimu?

KOLOSE 4:2

Umuran mokoporajing in mosambayang bo umuran pobasadia, dika mokoḻiong in mosukur kon i Allah.