PILIPI 3:12 - Alkitab Singog In Mongondow Masa In Tanaa

¹² Akuoi in diábí moguman kon nosompurnadon in akuoi. Táe umuranbí batukonku in tombuinag inta sinadia i Yesus Kristus. Sin tuabí in mangaḻe pinodomokan-Nea kon inakó bo binaḻí-Neadon in akuoi kapunyaan-Nea.

PILIPI 3:12 Referans Kwoze

MAZMUR 138:8

Iko in mogintompodbí kon dandi-Mu kon inakó; dikabí mogogai in motuḷung kon umat-Mu.

HOSEA 6:3

Tuamai in koḻigai in kita moḷongasi totu-totuu monotaau kon i Tuhan. Sia in notantúbí kon mamangoi kon i naton naonda bo koangoi in bayag doḷo-doḷom, bo naonda bo uyan inta nomuntad kon butá kon imbuit in pongonguyan.”

KORINTUS 2 7:1

Utat mita inta kinotabiku! Dandi mita tatua in pinopomakusudbí kon i naton komintan. Tuamai koḻigai in kita mondaritdon kon oaid mita naton inta mokokotor kon awak naton. Bo koḻigai mobiag motoguondok kon i Allah, sinbá mobiagdon motompia takin-Nea in kita.

YESAYA 51:1

Ki Tuhan in noguman: “Indongogaidon in Akuoi, ei moiko inta moibog posaḷamaton bo angoi kon i-Nakó mopoigum in totuḷung. Toropdon in buḷud batu nongkon onda in moiko noikurig, bo pongongaḻian kon batu nongkon onda in moiko in kinaḻi.

IBRANI 13:21

Poigum mako, ki Allah inta nobaḻí pangkoi in kobiagan motompia, umuran mobogoi in bayongan inta mopia inta paraḷu pakéon monimu mogaid kon onu inta koibog i Allah. Bo poigumon doman mako takin totuḷung i Yesus Kristus, popoaidon i Allah kon i naton in onu inta kinoibog-Nea. Tantúbí dayow in ki Kristus dapot in kopaḷutannea! Amin.

EPESUS 1:4

Kon tungkuḷ in dunia naa diápa pinomia kita in koyongandon piniḻí i Allah pinongin i Kristus takin makusud bá kita in mobaḻí kapunyaan-Nea inta tongá mosumba kon i-Nia bo mogaid kon onu inta pinarenta-Nea. Lantaran ki Allah motabi,

PILIPI 3:16

Táe umurai tarukira in tanaa: Musti in kita umuran mobiag dumudui kon atorang inta ain dinuduian naton dapot in tanaa mako.

PETRUS 2 3:18

Umurandon kobiag in moiko kon bonu in totabi i Tuhan Yesus Kristus, Tuhan bo Mopoposaḷamat naton. Poramuji totok sinbá moiko modugangdon monotaau kon soaḷ Sia. Dinayo-dayowdon in ki Allah nongkon tanaa mako modapot in kopaḷutannea! Amin. Horomat nami, Ki Petrus

YAKOBUS 3:2

Kita komintan in mokakit in mogaid kon inta noitaḷá. Táe intau inta diá dodai onda in nosingog kon noitaḷá, sia tua intau nosompurna, inta mokokawasa kon bayongan in awaknea.

IBRANI 12:14

Poramuji umuran mobiag motompia takin bayongan intau. Poramuji doman mobiag mokudus takin i Tuhan. Sin diábí in tobatúmai intau mokoontong kon i Tuhan aka diá mobiag natua.

GALATIA 5:17

Sin onu inta kinoibog in intau noyoposibí in kinoibog i Allah, andeka nanaa, inta kinoibog i Allah in noyoposibí inta kinoibog in intau naa, tuamai in moiko diá motaau in mogaid kon onu inta koibog monimu.

AYUB 17:9

Intau inta mopia bo inta diá kotaḷá, moyakindon totok kon kobobiagnea mokosanang kon i Allah.

PETRUS 1 5:10

Táe naonda in moiko nokorasa kon roriga motoyong, yo ki Allah tontaní in moposompurna kon i monimu. Potorindogon-Nea bo iropotan in moiko. Sin Sia in Allahbí inta totok mopia in gina, inta ain nogoiní kon i monimu sinbá moitakin doman mokorasa kon kopia-Nea inta mononoi pongin i Kristus.

TESALONIKA 2 2:13

Utatku mita inta kinotabi i Tuhan! Kami in musti umuran mopoyaput in sukur kon i Allah popisí in moiko, sin nongkon pinomangkoianpabímai piniḻídon i Allah in moiko sin posaḷamaton. Kasaḷamatan inta inaidan in Roho i Allah kon i monimu sinbá moiko in baḻíon umat i Allah inta mokudus sin mopirisaya in moiko kon habar inta mobanar nongkon i Allah.

EPESUS 4:12

Mosia naa in inogoi i Allah sinbá umat i Allah tokotompiaan sinbá mosia in motaau mogaid kon oaidan i Tuhan bo moduḷu moposindog in awak i Kristus.

KORINTUS 2 13:9

Mopiabí in gina nami aka moikodon in moropo-ropot nongkon inami. Tuamai kami umuran mopoigum in doa kon i Allah, sinbá moiko in mobaḻí mosompurna.

KORINTUS 1 13:10

Oyúonbí in wakutu i Allah moposompurna kon tua komintan, bo inta diá nosompurna tua in modait bidon moinggamá.

AMSAL 4:18

Daḷan in intau moraat in mosindip ná kon sindip in doḷom. Mosia in moipintud bo moḷabú diá butungonmai monia. Noyotoḻikud kon tua in daḷan inta bayáan in intau mopia in naonda bo kinobukaan in mata in singgai; koonggot-koonggot kobayag-kobayag, modapot in imbuitnea mobayagdon totok.

MAZMUR 119:5

Igumon mako akuoi takin gina moroton dumudui kon atorang-Mu mita.

MAZMUR 84:2

Totuu mokosanang in tampat pogogutunan-Mu, o Allah Inta Totok in mokawasa!

MAZMUR 63:8

sin Ikobí inta ain notuḷung kon inakó; kon bonu in siungan koḻikip-Mu akuoi in modondong pia in gina.

TESALONIKA 1 5:15

Ḷukadai sinbá diá in mosituḻían intau kon soaḷ mita inta moraat. Umuran poramuji in mogaid kon inta mopia kon intau mita.

TIMOTIUS 1 6:19

Aka natua in aidan monia, yo momangkoidon in mosia mosipun kon kapunyaan inta mobaḻí baḷun mopia kon singgai moiduduimai. Bo aka natua mosia in mokouḻí doman kon kobiagan mononoi ná inta kinoibog i Allah.

OUMAN IN RASUL MITA 9:15

Táe ki Tuhan in noguman kon i Ananias, “Bayádon! Sin sia tua ain bidon piniḻí-Ku mobantung kon i-Nakó mopotaa-taau mako in Habar Mopia soaḷ Akuoi kon bangusa mita ibanea inta deeman intau in Yahudi bo kon datu mita bo kon intau mita in Israel.

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

MAZMUR 94:15

Dá hukum in posindogonbí bui kon ponisigan, bayongan in intau motuḻid in moibogbí in natua.

IBRANI 12:23

Moiko in sinumakin kon tobatú pinoyodungkuḷan inta morame totok – pinoyodungkuḷan in adí mita guya-guyang i Allah, inta pinaisdon in tangoi monia kon bonu in soroga. Moiko in namangoi sinumayow kon i Allah hakim in bayongan intau naa. Moiko in sinumayow kon roho mita intau mopia inta ain sinompurna.

MAZMUR 42:1

Kon i itoi in mododondong. Dondong totundú in inanakan i Korah.

MATIUS 5:48

Manangka intua moiko in musti mogaid kon inta totok in mopia ná ki Amámu inta kon soroga ain nogaid kon inta totok in mopia.”

SURAT I PAULUS KON JAMAAT RUM 8:39

kawasa mita inta kon ḷangit, ande inta kon butá, ande bayongan yagi-yagi. Tua komintan in diábí mobaḻí ḷabot kon i Allah mobogoi in tabi-Nea kon i naton, inta ná inta ain pinoniata-Nea pinongin i Yesus Kristus, Tuhan naton.

KORINTUS 1 9:24

Kinotaauanbí monimu kon aka kon poyotandingan, yo bayongan mototanding in komintanbí moribatuk, táe tongábí tobatú in mokouḻí kon tombuinag. Tuamai in koḻikat totok in moribatuk sinbá moiko in mokouḻí kon tombuinag tatua.

KORINTUS 1 13:12

Sin onu in inontong naton tanaa, ná bí onda bo oḻinow kon posilag inta diá totok motarang. Táe kon singgai moiduduimai ontongonbí naton motarang. Tanaa akuoi in diápa nonotaau kon rupa-rupa, táe kon singgai moiduduimai kotaauankubí, ná ki Allah nonotaau kon bayongan in yagi-yagi kon inakó.

PILIPI 1:1

Utatku mita umat i Allah inta nogutun kon Pilipi, inta notobatúdon i Kristus Yesus bo inta ain nobaḻí itoi bo diaken kon jamaat! Akuoi, ki Paulus bo ki Timotius inta mogogaid kon oaidan i Kristus Yesus,

PILIPI 3:3

Bokaka kitabí naa in intau mita inta notarima kon sunat nongkon i Allah. Kitabí naa in intau inta ain dinia i Allah sin mosumba kon i-Nia, bo umuran mosukur mako in kita sin notobatúdon i Kristus Yesus. Diá bidon in kita moitogot mako kon upacara inta sipatnea in tongábí samantara.

PILIPI 3:8

Deemanbí tongá kon soaḷ mita tatua; táe kon bayongan doman in rupa-rupa inanggapkudon diá in mangaḻenea. Sin naonda in akuoi nonotaaudon kon i Kristus Yesus, yo kinorasaanku kon tuabí in mopia-pia nongkon bayongan in rupa-rupa. Lantaran ki Kristus, dá bayongan in rupa-rupa sinaḷaankudon sin tua komintan diábí in mangaḻenea, bo bá mouḻíkudon in ki Kristus,