PILIPI 3:11 - Alkitab Singog In Mongondow Masa In Tanaa

¹¹ sinbá mobiag doman in akuoi nongkon sigad in intau minatoi.

PILIPI 3:11 Referans Kwoze

WAHYU 20:5

Naadon inta dungkuḷ totok in intau mita minatoi biniag bui. (Táe intau mita minatoi ibanea in diápabí biniag bui kon bonu in toribu notaong tatua.)

OUMAN IN RASUL MITA 26:7

Dandi doman tatua inta inoḷat mako in intau Israel inta mopuḷú bodoyowá nosuku. Tuamai in mosia mosumba kon i Allah doḷom bo singgai. Bo popisí in akuoi mopirisaya kon dandi tatua, Tuang Datu Agripa, dá intau mita in Yahudi noponapud in taḷá kon inakó.

OUMAN IN RASUL MITA 23:6

Kinotaauan i Paulus kon mosia inta kon tua in nobayongbí in nongkon golongan Saduki bo Parisi. Tuamai sia in noguman kon Mahkama Agama tatua, “Utat mita! Akuoi naa intaubí in Parisi, buí intau in Parisi. Akuoi in sidangon kon naa sin akuoi in mopirisaya kon intau minatoi in mobiagbí bui.”

IBRANI 11:35

Popisí in oyúon in pirisaya monia, dá bobay mita in noyodungkuḷ bui in intau mita monia inta ain minatoi, sin mosia in biniagdon bui. Oyúon doman inta norelabí in iroriga nodapot in minatoi, bo doíbí pobebason popisí in moibog bui biagon bo mokouḻí kon kobiagan inta totok in mopira.

TESALONIKA 2 2:3

Naondakadon in habar dinongog monimu, yo donaaibí baḷú kopongaruan monia in moiko, sin tongábí uboḷ i monia inta moibog mopongaru kon intau ibanea. Sinbá kotaauandon monimu, kon wakutu in diápa moiangoi in singgai tatua, munapabí nanaa in mobaḻí: Mobayong in intau mobaḷui in pirisaya bo monaḷámai kon i Kristus; bo intau moraat inta ain sinantú tumuot kon naraka in mamangoidon mopoontong in oaid monia.

TESALONIKA 1 3:5

Manangka intua pinotabákudon namangoi in ki Timotius sin moibogdon totok in akuoi mokidongog kon habar soaḷ kopopirisaya monimu kon i Kristus. Moḻia-ḻiaw in ginaku sin dikabo kinokawasaandon Ibilis in moiko, sahingga in onu inta siniḷopían nami diádon in baragunanea.

KORINTUS 2 11:3

Táe moḻia-ḻiawpa in ginaku sin dika-dika bo moitabat in raian monimu bo diádon motoindudui kon i Kristus, naonda bo ki Hawa koḻipod inta kinoakaḷan in uḷag.

KORINTUS 1 9:27

Táe ain bidon muna ilatihku in awakku bo nodaitku bidon kinawasa. Sinbá aka akuoi in modia kon intau tumakin kon poyotandingan tatua, yo akuoi in tantúbí doman tarimaan.

KORINTUS 1 9:22

Aka kon yuak in intau mita inta diápa noguyang in pirisaya, yo akuoi in ná bí doman onda bo mosia, sinbá moidudui kon inakó in mosia bo mobaḻí komintan dumodudui i Kristus. Simpodon mako kon singog, norupa-rupamaidon in akaḷ inaidanku kon yuak in bayongan intau sinbá oyúon in mopirisaya kon i Kristus bo posaḷamaton.

SURAT I PAULUS KON JAMAAT RUM 11:14

Haraponku mako akuoi in mokopomuká kon intoi kon intau mita tobangusaku, sin aka natua yo motaau posaḷamatonku in tongonumai intau nongkon i monia tua.

YOHANES 11:24

Dá kai Marta doman, “Kinotaauankubí kon ki Lazarus in mobiagbí bui aka intau minatoi biagondon kon Singgai Pohakiman.”

LUKAS 14:14

Aka natua yo iko in barakatan sin intau mita tatua in diá mokotuḻí kon oaidmu inta mopia. Oaidmu inta mopia tua in ki Allahbí in motuḻí kon wakutu in intau mita mopia tatua biagon bui nongkon kinopatoiannea.”

MAZMUR 49:7

Mosia tua in mopongata in kaoyúonannea, bo mopododia in kapunyaannea.

OUMAN IN RASUL MITA 27:12

Totubuan kapaḷ tatua in diá doman mopia pongandupan kon sempo in tumping. Tuamai in moantó in intau kon kapaḷ tatua in noguman kai monia in maníka bo diá mongandup bo momakisadon mayá modapot in Peniks bo kon tuapa in kon dodai in sempo in tumping naa. Peniks tua in totubuan kapaḷ kon Kreta inta noitayow in toyopan barat daya bo barat laut.

KORINTUS 1 15:23

Táe pomuḷoi in intau in biagon poduduibí in gilirannea: muna-munamai totok in ki Kristus, bo naonda in Sia mamangoi bui bain tua bo moiduduimaidon in intau mita inta ain nobaḻí kapunyaan i Kristus.

TIMOTIUS 2 4:8

Bo tanaa mako in pinopooḷatdon mako kon inakó in saḷaku intau inta nountung. Kon singgai ponantúan ki Tuhan, hakim inta moadil totok tua in moposarakan in tombuinag tatua kon inakó. Deemanbí doman tongá akuoi in motarima kon tombuinag natua, táe bayonganbí doman intau inta umuran mogoḷat mako kon koangoian bui i Tuhan.