PILIPI 2:19 - Alkitab Singog In Mongondow Masa In Tanaa

¹⁹ Mopirisayabí totok in akuoi kon takin totuḷung i Tuhan Yesus motaaudon bui potabáku mangoi kon i monimu in ki Timotius, sinbá moonowdon in ginaku mokodongog kon habar soaḷ moiko.

PILIPI 2:19 Referans Kwoze

KORINTUS 1 4:17

Manangka intua pinotabákudon mangoi kon i monimu in ki Timotius. Saḷaku dumodudui i Kristus, sia in inanggapkudon ná ki adíku tontaní inta totok in kotabiku. Sia naa in adí inta totok in mojujur. Bain sia in mongonguman bui kon i monimu soaḷ kobobiagku wakutu in nopirisayadon in akuoi kon i Kristus, tuata in kobobiagku inta sinundúkudon kon bayongan in jamaat kon ondakadon.

TESALONIKA 1 3:2

pogoḷa-goḷatan in potabákupa mangoi kon i monimu in ki utat naton ki Timotius. Sia naa in mogogaid kon oaidan i Allah inta topogaidan nami nopoyaput in Habar Mopia soaḷ ki Kristus. Pinotabá nami in sia mamangoi kon i monimu sinbá motuḷung moginrigon kon gina monimu bo poḷat mononggina bá umuran in moiko mopirisaya kon i Kristus.

PILIPI 1:1

Utatku mita umat i Allah inta nogutun kon Pilipi, inta notobatúdon i Kristus Yesus bo inta ain nobaḻí itoi bo diaken kon jamaat! Akuoi, ki Paulus bo ki Timotius inta mogogaid kon oaidan i Kristus Yesus,

PILIPI 2:28

Manangka intua moḷobendon totok in ibogku bá ḷagikudon potabá mangoi bui kon i monimu in sia, sinbá mosanangdon in gina monimu aka ontongondon monimu in sia, bo moonow domandon in ginaku.

YAKOBUS 4:15

Mustibí nanaa in singogon monimu: “Aka ogoi i Tuhan mobiag in kami dá mogaid in kami kon naa ande kon tua.”

TIMOTIUS 2 1:12

Tuamai akuoi in nokorasa kon bayongan roriga tatua, táe akuoi in umuranbí moyakin sin kinotaauankubí totok ki ine in pinirisayaku tua. Moyakinbí in akuoi kon onu inta ain inogoi-Nea pinoki aid kon inakó tantúbí koḷukadan-Nea modapot in Singgai Pangabisan.

TESALONIKA 2 1:3

Nobaḻí bidon kowajiban nami mopoyaput in sukur kon i Allah lantaran moiko. Oo patusbí intua aidan nami sin pirisaya monimu kon i Kristus in tantú kodugang-kodugang bo tabi monimu kon tumpaḷa intau in moḷoben domandon.

EPESUS 1:13

Moiko nion aindon nobaḻí umat i Allah wakutu in moiko nokodongog kon koyow i Allah. Koyow tatua in Habarbí Mopia inta mobogoi in kasaḷamatan kon i monimu. Moiko in nopirisaya kon i Yesus Kristus, tuamai sinontandáan-Neadon in moiko saḷaku kapunyaan-Nea. Tanda-Nea tatua in Rohobí mokudus inta pinodandi-Nea.

SURAT I PAULUS KON JAMAAT RUM 16:21

Yobayat topogaidanku ki Timotius, nopoyaput doman in salamnea kon i monimu. Ná doman tua in ki Lukius, ki Yason bo ki Sosipater, inta tosukuku.

SURAT I PAULUS KON JAMAAT RUM 15:12

Ki Nabi Yesaya in noguman doman nanaa, “Nongkon buí i Isai moiangoibí in intau tobatú inta momarenta kon bangusa mita; kon i-Niabí tua in poharapan in bangusa mita tatua.”

MATIUS 12:21

bayongan intau in mopoandoḷ mako in kamang kon i-Nia.”

YEREMIA 17:5

Ki Tuhan in noguman, “Aka intau monaḷámai kon i-Nakó, ki Tuhannea, bo umandoḷ kon intau poḷat umandoḷ kon ropotnea, dá hukumon-Ku in sia.

PETRUS 1 1:21

Sia in pinopodoyonan in pirisaya monimu kon i Allah inta ain nomiag bui kon i-Nia. Dá ki Allahbí in pinirisaya monimu bo ki Allahbí doman in pinopoandoḷan monimu in harapan.

OUMAN IN RASUL MITA 16:1

Ki Paulus in nogingguputdon kon bobayáannea. Sia minayá in Derbe, bo Listra. Kon tua oyúon tobatú dumodudui i Yesus inta ki Timotius in tangoinea. Ki inánea intau in Yahudi táe nopirisayadon kon i Yesus; ki amánea intau in Yunani.

PILIPI 2:18

Ná doman tua, ibogonku in mosanang doman gina monimu takin ginaku.

TESALONIKA 1 3:5

Manangka intua pinotabákudon namangoi in ki Timotius sin moibogdon totok in akuoi mokidongog kon habar soaḷ kopopirisaya monimu kon i Kristus. Moḻia-ḻiaw in ginaku sin dikabo kinokawasaandon Ibilis in moiko, sahingga in onu inta siniḷopían nami diádon in baragunanea.